NCR 'family living wage' nasa P1,160/araw kahit inflation rate bumaba
MANILA, Philippines — Nasa P1,160 kada araw na sahod ang kinakailangan sa Metro Manila para mabuhay nang "disente" ang isang pamilyang lima ang miyembro (family living wage), ayon sa pag-aaral ng isang economic think tank.
Ito ang inilahad ng grupong IBON Foundation, Martes, ilang araw matapos maibalita ang mas mabagal na pagtaas ng presyo ng bilihin nitong Abril 2023.
"Despite declining in April, the 6.6% headline inflation continues to eat away the unchanged minimum wage," ayon sa IBON Foundation sa isang pahayag.
"Short-term solutions like removing consumption taxes and mandating wage hikes are urgently needed."
Despite declining in April, the 6.6% headline inflation continues to eat away the unchanged minimum wage. Short-term solutions like removing consumption taxes and mandating wage hikes are urgently needed.
— IBON Foundation (@IBONFoundation) May 9, 2023
Hi-res: https://t.co/8etZOzNhUN#PeopleEconomics #SahodItaasPresyoIbaba pic.twitter.com/OSghtWcQVB
Mahigpit-kumulang kalahati ang ang family living wage na ito kumpara sa minimum wage na natatanggap ng mga nasa National Capital Region, bagay na hanggang P570. Mas mababa pa ito sa ibang rehiyon.
Sinasabing katumbas ang naturang datos sa P25,226 kada buwan para "mabuhay nang disente." Dahil sa pagbaba ng inflation, mas mababa ang family living wage ngayon kumpara noong Pebrero.
Una nang sinabi ng Philippine Statistics Authority na pangunahing nagtulak pababa sa inflation nitong Abril ang presyo ng pagkain at non-alcoholic beverages: mula 9.3% noong Marso patungong 7.9% nitong Abril.
Sa kabila ng "mas mabagal" na pagtaas ng presyo ng bilihin, kinakailangan pa rin daw ang makabuluhang dagdag-sahod sa ngayon, ayon sa grupo. Tumaas daw kasi ng 28.9% ang labor productivity kada manggagawa ngunit nananatiling pareho ang sahod.
Inilabas ang mga naturang datos ilang araw matapos iulat ng Social Weather Stations na nasa 51% ng mga pamilyang Pilipino (14 milyong kabahayan) ang nagsasabing sila'y mahihirap. — James Relativo
- Latest
