Nasawing nCoV patient, isang PUI inilibing na lang

MANILA, Philippines — Napilitang ilibing na lang ang nasawing Chinese national na kumpirmadong may taglay na 2019 novel coronavirus acute respiratory disease at isang patient under investigation (PUI) matapos tanggihan ng mga crematorium.

Ayon kay Health Secretary Francisco Duque III, nagpasiya na lang ang director ng San Lazaro Hospital (SLH) kung saan naratay ang dalawa, na ilibing na lamang, sa hindi tinukoy na sementeryo.

Isasalang dapat sa cremation ang mga labi ng nCoV patient at isa pang nasawi dahil sa Pneumonia at suspected nCoV subalit hindi umano tinanggap ng crematorium.

Ang naturang pasyente ang unang nCoV patient na namatay sa Pilipinas, at kauna-unahan ring nCoV patient na namatay sa labas ng China.