Partido ni PNoy wala pang manok sa 2016

MANILA, Philippines – Matapos lumutang ang mga pangalang tatakbo sa presidential election sa 2016, walang pang plano si Pangulong Benigno Aquino III na magbigay ng pangalang magtutuloy ng kanyang mga sinimulan, ayon sa isang opisyal ng Palasyo.

Sinabi ni Presidential Communications Sec. Herminio Coloma Jr. ngayong Lunes na nais munang tutukan ni Aquino ang kanyang mga proyekto upang maingat ang Pilipinas.

"Iyan po ang focus, wala pong kaisipan ngayon na hinggil sa pulitika. Ipaubaya na lang po natin iyan sa iba," wika ni Coloma sa isang panayam sa radyo.

Hindi tago ang plano ni bise-presidente Jejomar Binay na tumakbo sa pinakamataas na posisyon sa 2016 at isa sa mga nababalitang kukuhaing running mate ay si Batangas Governor Vilma Santos-Recto.

Samantala, sinabi naman ni Binay nitong weekend na masiyado pang maaga upang magdesisyon kung sino ang kanyang kukunin na tatakbo sa pagka-bise-presidente.