GMA nag-file na ng COC
MANILA, Philippines - Naghain na kahapon ng certificate of candidacy (COC) si dating pangulo at ngayon ay Pampanga Rep. Gloria Arryo sa Pampanga.
Pasado alas-3 ng hapon ng dumating sa Comelec sa San Fernando, Pampanga si Ang Galing party list Rep. Mikey Arroyo dala ang COC ng kanyang ina.
Sinalubong si Mikey ng isang banda ng musiko habang kasama nito ang may 40 konsehal at kanilang supporters.
Nagpasalamat naman si Mikey sa kanilang mga supporters dahil sa naging mainit na pagtanggap ng mga ito sa muling pagtakbong kongresista ng kanyang ina sa ikalawang distrito ng Pampanga.
Ayon naman sa batang Arroyo, hindi pa nila alam kung sino ang makakalaban ng kanyang ina.
Ayon naman kay Elena Bautista- horn, tagapagsalita ni Arroyo, pinayuhan ang dating pangulo ng kanyang doktor na huwag nang bumiyahe dahil sa kondisyon nito kayat si Mikey na lang ang pinagdala ng COC ng kanyang ina.
- Latest
- Trending
