CGMA balik-VMMC
Manila, Philippines - Bumalik sa Veterans Memorial Medical Center (VMMC) kahapon ng alas 11 ng umaga si Pampanga Rep Gloria Arroyo para sa isang physical therapy session.
Ayon sa kampo ni Mrs. Arroyo, bumalik sa naturang pagamutan si Arroyo makaraang manakit ang binti habang nasa alternative medical center sa Tagaytay City noong Huwebes ng gabi.
Sinabi ni Ms Elena Horn, spokesperson ni Mrs Arroyo, makapananghali ay nakalabas na ng pagamutan ang dating chief executive.
Si Rep. Arroyo ay nakalabas pansamantala sa hospital arrest makaraang makapag-piyansa ng P1 milyon sa kasong electoral sabotage.
Pumunta si CGMA sa Libingan ng mga Bayani sa Taguig City para bisitahin ang kanyang mga magulang na sina dating Pangulong Diosdado Macapagal at Evangeline Macapagal saka nagtungo sa Pampanga upang dalawin ang kanyang mga constituents.
- Latest
- Trending
