ERC pinagpapaliwanag ng Malacañang

MANILA, Philippines - Pinagpapaliwanag ng Malacañang ang Energy Regulatory Commission (ERC) sa naging batayan nito upang payagan ang pagtaas sa singil sa kur­yente ang National Power Corp. (Napocor).

Sinabi ni Press Secretary Cerge Remonde sa media briefing, bagama’t isang independent body ang ERC ay nais ng Malacañang na magpali­wanag pa rin ito sa naging basehan para payagan ang power rate increase.

Ayon kay Sec. Re­monde, pinayagan kasi ng ERC ang dagdag na singil na P.4682 per kilowatt hour sa Luzon grid; P1.1460 per KWH sa Visayas at P.7147 per KWH sa Mindanao. Sa mga Meralco areas ay magkakaroon ng dagdag na singil na P0.17 per KWH.

Ipapatupad ng Napo­cor ang new rates sa February 26-March 25 billing cycle habang mara­ram­daman naman ng Me­ralco customers ang dagdag na singil sa kanilang March 26-April 25 billing period. (Rudy Andal)