Palina Tingali

Arcy Dalaguit! HAPPY BIRTHDAY! Ug belated happy birthday to the Bong Revilla kalookalike, the  very palatable delicious nephew of the Mayor of Cebu City, former Cebu City Councilor Edu Rama, who turned 34 years old yesterday. Ug advance happy birthday to sir Ronald Lim [of LTO-ambot hain na ni siya ma-assign] and of course, the Entertainment Editor of this paper,  Bro. Ryan Borinaga [Ryan Mark to you], who will be 25 years old this Thursday [Naay kaon, Yan?—wala kay i-reroute ang budget, avash?].

Unya, mga Yadzz? Nakakita na mo’s Call Center Girl? Kun wa pa, panan-aw jud mo. Kay dili raba kay si Enchong Dee , ra’y lalaki aning salidaha. Naa pod diay daghan. Naa pod diay si Jessy Mendiola. Pero nag-ingon si Pokwang, mas gwapa jud kono siya kay kang Jessy Mendiola. Mosugot kaha’s Sam Milby ana, Mga yadzz?

Unya mga yadzz, pagtigom na sad mo’g mga datong para sa mga entries sa Metro Manila Film Festival. Duhay entry nilang Mariles Pereyra Cabangon, Edgar ug Chona Escalante, ang Pagpag ug ang Boy, Girl,Bakla, Tomboy. Unahon nato ang Pagpag, starring Daniel Padilla ug Kathryn Bernardo. Kay kini ra ba’s Daniel Padilla, kay anak man siya ni Karla Estrada, kaliwat ni’g Sugboanon, kay kaliwat ma’g Sugboanon si Karla Estrada. If you still remember, dunay artista kaniadtong gihinganlan og Karla Kintanar from Cebu. Mao ni siya. So, kay mga Sugboanon man ta, manan-aw ta ani, to support Daniel Padilla, nga may dugong Sugboanon. Unya unsa may binisaya sa Pagpag, nga horror movie man kaha ni? Kini konong Pagpag, ritual man kaha ni human sa lubong sa usa ka minatay? Unsa pa may laing ritual human sa lubong kun dili palina? So Palina tingali ang Pagpag, dili ba, Mariles Pereyra Cabangon? Take note: Moanhi gani si Daniel Padilla to promote the movie, rest assured, naa sila’s Karla Kintanar Fernandez.