Talisay mopahigayon og libreng summer sports workshop

CEBU, Philippines — Ang lokal nga kagamhanan sa Talisay modalit og libreng summer sports workshop alang sa mga bata sa ilang dapit gikan sa  Hulyo 11 ngadto sa 29.

Mismo si mayor Gerald Anthony "Samsam" Gullas, Jr. ang mi-anunsiyo ning maayong balita lang sa mga Talisaynon pinaagi sa iyang Facebook page niadtong Miyerkules.

"This event will help strengthen our youth to show and discover their talents and true potentials especially when it comes to sports," suwat pa ni Gullas.

Ang mga events sa 19 ka adlaw nga kalihukan naglangkob sa basketball, karatedo, boxing, football, lawn tennis, table tennis, volleyball, swimming, ug badminton. Dunay say special lessons alang sa arts, modern dance, voice, ug guitar.

Abli kini sa mga bata nga nag-edad og siyete ngadto sa 12 anyos apan ang mga partisipante limitado lamang ngadto sa 30 ka buok matag event.

"I encourage our Talisaynon parents to enroll their children to this activity because this is also a great chance for them to learn and discover new things about themselves," dugang pa ni Gullas.

Ang rehistrasyon magsugod karong Hulyo 4.

Alang sa dugang impormasyon, mahimong mokontak sa 253-2589/0956-4792651 o bisitaha ang buhatan sa Talisay City Sports Commission gikan sa alas-8 sa buntag ngadto sa alas-3 sa hapon.