^

Rebelasyon sa PBA bubble

Yoyo R. Abayan (Banat) - December 11, 2020 - 12:00am

Pogoy mapasigarbuhon gihapon

CEBU, Philippines — Napakyas man tuod ang TNT sa ilang kampanya sa kampiyonato sa bag-o lang natapos nga PBA Philippine Cup, apan ang Sugboanong star guard nga si Roger Ray "RR" Pogoy mapasigarbuhon gihapon gumikan sa dalaygon niyang salida uban sa Tropang Giga sa tibuok nga bahin sa Clark bubble.

Ang garbo sa Dakbayan sa Talisay nagparamdam dayon human siya napili nga labing unang Player of the Week sa PBA bubble gumikan sa pagpabuto niya og career-high puntos 45 puntos uban ang 10 ka 3-pointers sa 100-95 nga kadaogan sa Tropang Giga batok sa Alaska Aces atol sa pagsugod og balik sa liga human mabalda og pito ka bulan tungod sa pandemiya.

Ang kanhi bitoon sa University of Cebu (UC) dako og natabang pag-abante sa Tropang Giga sa finals diin siya nahimong tunok sa habig sa karibal nilang Barangay Ginebra.

Kay wala ang injured nga si Bobby Ray Parks Jr. ug natiwasan pa ang ilang kalbaryo human na-injured ang beterano nilang guard nga si Jayson Castro sa ikatulong kuwarter sa Game-4, si Pogoy misuway og agak sa TNT pinaagi sa pagpupo og 16 sa iyang 34 puntos sa katapusang kuwarter galing lang kay napilde gihapon sila sa Gin Kings, 88-98.

Gumikan kay parehong wala sila si Parks ug Castro sa Game-5 diin sila nagtakilid og maayo gumikan kay alkansi 1-3 sa serye, si Pogoy nanglimbasog na sab sa tinguha nga malugwayan pa ang ilang season bisan og usa ka duwa.

Tuod man, ang 28-anyos nga si Pogoy mibugwak og team-high 23 puntos, apan ang Gin Kings determinado kaayo nga mopatikangkang kanila sa hingpit pinaagi sa 82-78 nga desisyon.

Sa impresibo niyang performance, si Pogoy nakaangkon og tumang pagdayeg gikan mismo ni Talisay City Mayor Samsam Gullas nga usa sab ka panatiko sa       basketbol.

"Dako kaayo natong garbo sa Talisay ang gipakita ni RR Pogoy aning PBA All Filipino Cup finals," suwat ni Gullas sa iyang Facebook." Wala tuod sila modaog, pero gipakita ni RR Pogoy sa tibuok Pilipinas ang talento sa usa ka Talisaynon. Gipakita nimo ang fighting spirit sa usa ka Talisaynon. Even in trials, adversities and injury, ni excel gihapon."

Sa iyang gipakita, si Pogoy nahimong usa ka dakong rebelasyon sa Tropang Giga sud sa PBA bubble ug seguradong usa na siya ka markadong player sa umaabot nga season sa liga. —Emmanuel B. Villaruel

Tim Cone naapsan na si Jaworski

Naapsan na ni coach Tim Cone ang franchise record ni Gin Kings legend Sonny Jaworski human niya tunoli ang Barangay Ginebra sa ilang unang Philippine Cup title sud sa 13 ka tuig niadtong Miyerkules sa gabii. Si Cone mikulit sa iyang ikalimang titulo uban sa Ginebra, labaw og usa ni Jaworski, kinsa nidaog og upat ka titulo isip coach sa koponan.

"I didn't even know that. Wow, what an achievement," matud pa ni Cone dihang gipangutana sa bag-o niyang achievement. "Just to be mentioned with the greats like Sonny Jaworski, it gives me goosebumps."

Sa iyang pagtimon sa Ginebra, si Cone nakadaog og tulo ka Governors' Cup title niadtong 2016, 2017 ug  usa ka Commissioner's Cup title niadtong 2018 ug  laing usa ka titulo sa bag-o lang natapos nga Philippine Cup 2020.

Sa kinatibuk-an, si Cone aduna na'y nahipos nga 23 ka korona sa PBA.

PBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with