PANOORIN: Sapat ba ang paper trail para patunayan ang P15.54M confidential funds?
MANILA, Philippines — Tatlong mahahalagang punto ang lumitaw sa impeachment trial ni Vice President Sara Duterte kaugnay ng P15.54 milyong confidential fund payments ng Department of Education (DepEd).
Ayon sa mga Army officer na humarap sa paglilitis, ang kanilang certifications ay nagpapatunay lamang sa partisipasyon at mga aktibidad ng Armed Forces of the Philippines (AFP).
Hindi umano pinatutunayan ng mga dokumentong ito ang paggamit ng DepEd confidential funds o ang resulta ng mga intelligence activity na sinasabing pinaglaanan ng pondo.
Sinabi rin ni Col. Manaros Boransing na walang DepEd, Office of the Vice President Vice President Security and Protection Group confidential funds na natanggap ang kanilang unit para sa walong youth leadership summits sa Mindanao noong 2023.
Samantala, inamin ni dating DepEd undersecretary Michael Poa na ang pag-uugnay niya sa mga aktibidad ng AFP at impormasyon mula sa paid informants ay batay sa sarili niyang pagbasa at interpretasyon sa mga dokumento.
Tinalakay ang mga puntong ito habang sinusuri ng Senate impeachment court ang confidential fund payments ng DepEd sa ilalim ni Duterte, kabilang ang mga dokumentong ginamit upang suportahan ang nasabing gastos.
- Latest
