Pagbalik training sa mga student-athletes

CESAFI coaches, athletic directors dili morisgo     

CEBU, Philippines — Si Cebu Schools Athletic Foundation, Inc. (CESAFI) commissioner Felix 'Boy' O. Tiukinhoy Jr. namahayag kagahapon nga iyang gitugyan ang desisyon sa kamot sa mga tunghaan kon ila bang tugotan o dili ang ilang mga atleta nga mag-training na og balik taliwala ning pandemiya.

Giluwatan ni Tiukinhoy ang maong pamahayag human si Harry Roque, ang tigpamaba ni Presidente Rodrigo Duterte, mipahibawo niadtong Lunes nga ang mga atleta sa nagkadaiyang collegiate leagues sa nasud puwede nang makapadayon sa ilang training sa mga lugar ubos sa general community quarantine ug modified GCQ.

Giklaro ni Roque nga ang maong kalihukan ipaubos sa mga lagda nga ipagawas sa Commission on Higher Education (CHED) sa umaabot. Isip tubag, si Tiukinhoy nagkanayon nga mag-agad ra gyud ang tanan sa mga tunghaan kon ila bang tugotan ang ilang mga teams nga magpraktis na. Ning puntoha hinuon, pipila ka mga coaches ug athletic directors sa CESAFI ang dili buot nga mobalik na sa pagbansay-bansay ang ilang mga atleta gumikan sa isyu ug kabalaka sa panglawas tungod sa kasamtangang sitwasyon diin ang virus padayon pang nanghasi sa tibuok kalibotan.

"The government may allow training, however, our primordial concern is the safety of the student-athletes. The virus is still around no matter what quarantine status is. We don't have plan yet in the immediate future for trainings," dason pa ni University of San Jose-Recoletos (USJ-R) Director for Student Affairs Atty. Jesus 'Boyet' D. Velez. Ang mga athletic directors nga sila si Jessica Jawad-Honoridez sa University of Cebu (UC) ug Pio Gerardo Solon sa Southwestern University (SWU)-Phinma susama usab og sentimento.

"There's eagerness on the part of the athletes knowing that they can now go back to training," matud pa ni Honoridez. "But they need guidance for their welfare. As for me, I will not take the risk. Everything remains uncertain for now so we cannot guarantee their safety. If they really want to train, they have to do it on their own but it's not mandatory. We will leave it up to the parents."

"While waiting for more comprehensive guidelines, we will consult with our management and coaches on the best possible course of action that prioritizes the health, welfare and academic performance of our student-athletes," padayag pa ni Solon.

Sa iyang bahin, si SWU-Phinma Cobras head coach Mike Reyes nagkanayon nga ang pagbalik sa praktis sayon ra kaayo, apan pagseguro sa kaluwasan sa mga players lahi na kaayo nga estorya.

"What I am concerned most is yung pag-stay nila sa dorm. Kasi siyempre pag nasa dorm na ang players, mahirap i-monitor ang kanilang mga lakad like yung players from Cebu uuwi sa mga bahay nila. Safety ng athletes ang first priority," sumala pa ni Reyes.