^

Duha ka PBA All-Stars suspenso

Lemuel P. Maglinte (Banat) - February 28, 2020 - 12:00am

CEBU, Philippines – Duha ka sikat nga PBA stars  nga  sila   si Vic Manuel sa Alaska Aces ug Jio Jalalon sa Magnolia Hotshots ang  gipahamtangan og suspensyon sa tagsa-tagsa nila ka mga mother teams.

Kini human ang duha  nasakpan nga miduwa og usa ka torneyo gawas sa PBA nga wala gitugot sa liga ug sa tanang PBA teams tungod sa risgo sa injury nga wala malambigit sa duwa sa PBA.

Si Manuel nga wala midayon og duwa sa Gilas Pilipinas atol sa World Cup qualifiers batok sa Indonesia niadtong miaging semana, nakit-an nga miduwa og usa ka commercial tournament nga nakompirmar ni Aces coach Jeff Cariaso.

Miingon si Cariaso nga mikalawat si Manuel kaniya ug miangkon iyang sala ug nangayo kini'g despensa sa mga kadagkoan sa Alaska.

"He has admitted to the mistake and he is in full cooperation with the consequences. Learning, growing, and moving forward is his main priority now," matud ni Cariaso sa Spin.ph.

Sama ni Manuel, si Jalalon gihatagan usab og leksyon sa Hotshots diin ang point guard misaad nga dili na mousab sa maong kalapasan.

Sa iyang bahin, si PBA Commissioner Willie Marcial subling mipahimangno sa tanang PBA players nga maglikay nga moduwa sa ubang liga. Mahimo nga moduwa ang maong mga players gawas sa PBA, apan kinahanglan kini og pagtugot sa PBA Commissioner's office ug sa ilang mother teams. 

PBA ALL-STARS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with