Cebu leg sa Gravity Enduro gitakda
CEBU, Philippines – Ang Dartmoor Gravity Enduro National Series mosikad uban sa Cebu City Gravity Endura Race karong Domingo diha sa Bitlang sa Barangay Sudlon, Dakbayan sa Sugbo.
Walo ka kategoriya ang tigian sa adrenaline-pumping event. Kini mao ang elite/open, 40-49, 30-39, 20-29, 19-below, 50-above, hardtail and women’s open.
Ganting salapi ug tropeyo ang maangkon sa top performers sa matag kategoriya.
Ang series adunay kinatibuk-ang walo ka legs lukop nasud.
Human sa Cebu, ang series dad-on didto sa Zamboanga sa Pebrero 17 ug dayon sa Dumaguete sa Marso 10.
Ang fourth leg sa Abril 28 adto ipahigayon sa San Jose, Nueva Ecija, samtang ang fifth leg gikatakda sa Mayo 5 didto sa Bacnotan, La Union sa dili pa mopahuway og tulo ka bulan.
Mobalik ang series sa Septiyembre 15 didto sa Guimaras alang sa sixth leg, samtang ang Palawan mo-host sa seventh leg sa Oktubre 6. Ang katapusan ug ikawalo nga leg himuon sa Oktubre 27 didto sa Patiis, San Mateo, Rizal.
- Latest