Ancajas pabiling malaumon

Bisan pa og wala siya matagbaw sa split draw nga decision sa iyang IBF junior bantamweight title defense niadtong Sabado, si Pinoy boxing champion Jerwin Ancajas malaumon nga mahatagan gihapon siya sa iyang gusto nga unification bout batok sa Thai superstar ug WBC champion nga si Srisakit Sor Rungvisai.

Nasayran nga si Top Rank Inc. CEO Bob Arum nangayo og impresibong daog gikan ni Ancajas aron maseguro ang sangka niini ni Rungvisai apan nagkatabla ra sila ni Mexican Alex Santiago didto sa California.

Melo di gusto bangkoon

Wala man niya direkta nga giangkon, apan ang veteran star na si Carmelo Anthony dili interesado nga moduwa uban sa Houston Rockets isip bench player.

Ang 10-time All-Star gusto nga mutabang sa Rockets nga musud sa finals sunod season, apan nagtuo siya nga daku siya og matampo kung himuon siya nga usa ka starting five uban nila ni James Harden ug Chris Paul.

Baldwin mipugong ni Sotto

Gitambagan ni kanhi national team coach ug karon coach sa Ateneo de Manila University nga si Tab Baldwin ang teen sensation nga si Kai Sotto nga dili mularga sa Europa ug anhi na lang sa nasud bairon iyang abilidad sa basketbol.

Si Baldwin di gusto nga mapunta si Sotto sa Europa tungod kay segurado nga dili kini magmalipayon nga moduwa nga layo sa iyang pamilya dinhi sa Pilipinas