2023 World Cup sa Pinas
CEBU, Philippines — Human ang upat ka dekada, subling mo-host ang nasud sa labing dakung entablado sa natad sa basketbol nga mao ang FIBA World Cup.
Ang Pilipinas usa sa tulo ka nasud nga magdungan og host sa mga duwa sa World Cup sa tuig 2023 uban ang Japan ug Indonesia. "We did it! The Philippines will host 2023 FIBA World Cup. God bless us," matud pa ni Samahang Basketbol ng Pilipinas (SBP) chairman emeritus Manny V. Pangilinan sa iyang social media account.
Kini ang ikaduhang higayun nga mo-host ang nasud sa World Cup sukad niadtong tuig 1978. Dakung kalampusan kini sa nasud tungod kay nakuha sila isip host bisan pa sa kusug nga kandidato nga mao ang Argentina, Uruguay ug Spain.
Si Pangilinan nagkanayon nga maisip nga legasiya sa SBP ug sa iyang pamunuan ang pagsakmit sa hosting right sa World Cup.
Tungod kay mga hosts, ang Pilipinas, Japan ug Indonesia automatiko nga masulod sa World Cup.
“We have put the Philippines in the global map. The actual work starts now as we collaborate with our partners – Indonesia and Japan – in making this a successful event," matud pa usab ni SBP president Al Panlilio. — (BANAT NEWS)
- Latest
