Cesafi volleyball: SWU Lady Cobras vs USJR sa finals
CEBU, Philippines — Ang defending champion Southwestern University-Phinma makigharung sa University of San Jose Recoletos alang sa korona sa 2017 Cebu Schools Athletics Foundation, Inc. (CESAFI) women’s volleyball tournament.
Kini human ang SWU Lady Cobras mirehistro og dominanteng kadaugan batok sa University of San Carlos. Ang SWU midaog pinaagi sa three-sets, 25-14, 25-18, 25-22, sa semis.
Sa ilang bahin, ang USJR nakaipsot batok sa University of Southern Philippines Foundation sa usa ka four-setter, 20-25, 25-22, 25-15, 25-15. Ang Game 1 sa best-of-three finals series tali sa SWU ug USJ-R sugdan sunod Domingo sa dili pa ang battle-for-third tali sa USC ug USPF.
Sa men's division, ang SWU miabante na usab sa finals human gilampurnas ang defending champion nga USJR. Ang Cobras mipatilaw sa Jaguars sa labing una nilang pilde sa semis, 25-12, 27-25, 27-25.
Ang SWU muduwa sa usa ka non-bearing game batok sa UV sa katapusan nilang duwa sa semis, samtang ang USJR kinahanglan nga mudaog batok sa Cebu Institute of Technology- University aron maseguro ang luna sa finals. (BANAT NEWS)
- Latest
