Nietes gusto mo-K.O. ni Parra
(Banat) - March 3, 2015 - 12:00am

CEBU, Philippines – Walay laing gilaraw si Donnie ‘Ahas’ Nietes kun dili tumbahon ang Mexican challenger nga si Gilberto ‘Parrita’ Parra sa iya unyang pagdepensa sa  WBO light flyweight title  sa main event sa Pinoy Pride 30 karong Marso 28 didto sa Smart Araneta Coliseum.

Si Nietes katapusang nakadepensa sa iyang bakus human gipalukapa sa ikapitong hugna si Carlos Velarde atol sa Pinoy Pride 28 niadtong Nobiyembre sa miaging tuig  sa Waterfront Cebu City Hotel and Casino.

Mao kadto ang opisyal nga naghimo ni Nietes isip labing dugay nga Pinoy nga naghari isip world champion sud sa kapin sa pito na ka tuig.

Gawas ni Nietes, mosalida sab sa maong promosyon si kanhi five-division world champion Nonito ‘The Flash’ Donaire  Jr. uban ang paglaum  nga makabangon gikan sa mapait niyang kapildihan pinaagi sa 6th round KO ngadto ni Jamaican Nicholas Walters sa Carson, California sa miaging tuig.

Si Donaire makigharong ni Brazilian William Prado sa labing una niyang away dinhi sa nasud.

Mopakita sab og aksiyon si ‘Prince’ Albert Pagara, kinsa manalipod sa iyang IBF Intercontinental junior featherweight title batok sa Meksikanong si Rodolfo ‘Fofo’ Hernandez ug ingon man si AJ ‘Bazooka’ Banal batok ni Indonesian Junior Bajawa. (BANAT NEWS)

ALBERT PAGARA BRAZILIAN WILLIAM PRADO CARLOS VELARDE INDONESIAN JUNIOR BAJAWA JAMAICAN NICHOLAS WALTERS NIETES PINOY PRIDE SI DONAIRE SI NIETES SMART ARANETA COLISEUM
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with