8TH PPBC moulbo sa Lunes, 13 teams mosalmot
CEBU, Philippines - Trese ka mga koponan ang kompirmadong mosalmot sa 8th Punta Princesa Barangay Council Christmas League nga mosikad sa Nobiyembre 10 diha sa Atillo gym sa Barangay Punta Princesa, ning siyudad.
Ang mga partisipanting koponan mao ang JS Contractor (Mawin’s), Glyn Construction and Supply (RAV), IBSI-Unique, RCAF, Skybar, A-Top, D-Team, B&G, Blessyl, AC Sports, Binglens, D&L Sportswear ug ang Kitz.
Moduwa sila og single round robin format sa eliminasyon, diin ang top four moabante sa crossover semifinals. Ang mga modaog maoy magsangka alang sa kampiyonato.
Gawas sa mga tropeyo, ang kampiyon mobulsa og P5,000, samtang ang second placer makadawat og P3,000 ug ang third makaangkon og P2,000. Ang liga gisuportahan ni Punta Princesa chief executive Joe Navarro ug sa tibuok barangay council.
- Latest
