Narita-Abella tandem naghari sa CDA Darts Tournament

CEBU, Philippines - Gisakmit nilang Caloy Narita ug  Winnie Abella ang titulo sa ikaduhang bahin sa Cebu Darts Association (CDA) Weekly Open Darts Tournament 2014

niadtong weekend didto sa Baseline Sports and Recreation Center, ning siyudad.

 Ang tandem nilang Narita ug Abella maoy mipatigbabaw sa torneyo human nila gipilde silang Steve Montenegro ug Doging

Saberon sa finals.

 Sila si Jomar Amerol ug Tata Atillo mi-okupar sa ikatulo nga dapit  pinaagi sa pagpilde nilang Rodmar Branzuela ug Eugene

Managuit.

 Mokompleto sa top 8 finishers mao  ang tandem nilang Julius Lozada ug Jerome Perales, Tata Paglinawan ug  Dino Bacayo, Jett

Ouano ug Boyet Saguindel ug Rollie Opura ug Morex Galanza.

 Human sa maong event nga gipaluyohan sa Wyno Ugang, ang sunod nga double action nga pagadumalaon sa CDA gikatakda

sa Enero 18 diha gihapon sa Baseline.

 Mokabat ngadto sa P10,000 nga ganting salapi ang giandam alang sa mga mananaog karong Sabado.

 Ang entry fee nagkantidad og P120. Sugdan ang duwa sa alas-8:30 sa gabii.  (BANAT NEWS)