Love for the country
Sa ikaduhang House hearing bahin sa P1.8 billion travelling expenses controversy, atubangan sa mga kongresistang imbestigador, mipadayag si Dr. Lorraine Marie Tablang Badoy-Partosa sa iyang dakong gugma ug ka-loyal sa atong nasud nga dapat protektahan kanunay natong Pinoy, ilabi na sa mga kadagkoan sa atong nasud.
Nangatandog ang ego sa pipila ka kongresista. Ang kanhi opisyal sa Philippine National Police ug karon usa na ka House Representative Romeo Acop, masuk-anong misumbalik pagtubag:
“Sorry for what happened to you, Madame Badoy. But you don’t have a monopoly of love of country. I spent my life fighting for this country. So you don’t have to tell me that. Mas marami akong sinugat kay sa iyo. So do not give me that cramp, Madame Badoy.” Pastilan, gilain man hinuon kinig sabot ni Acop, uy! Nanghambog man hinuon nga hagbay ra niyang gisugal iyang kinabuhi batok sa mga kaaway tungod sa iyang dakong gugma sa atong nasod. Ug wala ra kuno sa iyang kumingking ang kang Doc. Lorraine kon ikomparar man sa iyang naagian.
Saludo ko sa gipamahayag ni Acop. Tinuoray, dihang gisul-ob niya uniporme sa pagka-opisyal sa PNP, he spent his life fighting for the country. Ug ingkasog tawagon siyag balik sa kagamhanan alang sa kanhi niyang serbisyo, he will do it! Kaanindot, no?
Ang pangutana: Karong bag-o na ang unipormeng iyang gisul-ob sa Kongreso: barong, o amerikana, nagpabilin pa ba ang parehong love for our country diha sa iyang kasingkasing?
Love for the country ba ang pagbatog kasuko ug ang paghikaw sa unsay gustong masayran sa katawhan, kinsa nangayog lehitimong husay asa mopaingon ang minilyong confidential funds (kanhi pork barrel) sa matag kongresista, senador, House speaker ug presidente, diin kuwarta intawon nga pinatud-ag singot sa mga magbubuhis maoy ilang gigamit?
Love for the country pa ba, Acop, ang inyong gihimo ngadto kang Doc. Lorraine ug Ka Eric Celiz, kinsa nangutana lang kon unsa ka tinuod nga miabot og P1.8B ang travelling expenses ni Speaker Martin Romualdez, inyoha hinuong gibilanggo?
Silang duha, pulos rated anti-CPP-NPA-NDF, diin inay suportahan, inyo hinuong gipangpriso. Mao ba kini ang imong gipasiatab, nga ikaw adunay dakong love for our country? Pag-sure, uy!
- Latest
