Ang pagpanghatag sa financial assistance
SENIOR CITIZEN - Antolin dela Serna (Banat) - April 4, 2020 - 12:00am

Sumala sa napatik sa mga mantalaan, ipadayon gayud sa dakbayan sa Sugbo ang pagpanghatag sa financial assistance ngadto sa mga senior citizens. Kini sumala sa pamahayag ni Mayor Edgar Labella.

Ug kini, aron kalikayan ang pagdasok sa katawhan, ug dili na mapatuman ang physical distancing, himuon ang pagpanghatag ngadto sa kabalayan sa mga senior citizens.

House-to-house ang distribution sa financial assistance. Dili ni sayun ug dili madali pagpatuman, apan kinahanglan buhaton, tungod kay alang kang Labella, maoy iyang gihunahuna ang pagka-kinahanglanon sa maong cash aid ngadto sa mga senior citizens, ilabina karong panahona.

Bali’g P2,000 ang madawat sa matag senior citizen. Ug daku na kini nga alibiyo alang kanila.

Matud dinhi, atong kutluon kining napatik sa The Feeeman:  “The distribution of financial assistance for senior citizens will push through this month, said Cebu City Mayor Edgardo Labella.” How? Unsaon pagpanghatag? Atong kutluon pag-usab ang The Freeman: “Labella said barangays are given the authority to distribute the aid. He though reminded the barangays to strictly observe the social distancing protocol.” Buot bang ipasabot nga ang taga-barangay nay manghatag sa financial assistance, ug dili na ang taga City Hall? Sila na bang taga barangay ang mahimong mga disbursing officers (DO)? Lisud ni. Dugang pa, lisud ang pagpatuman sa physical o social distancing.

“Sila nay modistribute. Sila nay mo-identify,” said Labella. Hinuon giingon dinhi nga: “The government has also considered a house-to-house distribution for the aid considering that the city is under a state of enhanced community quarantine (ECQ).

Maayo ni, kon mao kini ang buhaton sa City Hall. Lisud ning buhaton kay magkinahanglan kinig daghan kaayong manpower. Apan, kinahanglan kining buhaton.

Sa akong nasayran, ang buhatan sa OSCA nagpadayon na sa pag-clustering sa mga sitio, diin usahon o tapukon ang mga ngalan sa senior citizen sa matag sitio ug mao na kini ang encode sa payroll.

Gikinahanglan dinhi ang close coordination sa city hall ug sa barangay, regardless sa political affiliation sa mga Kapitan, kay magkinahanglan kini’g dugang manpower pag-house-to-house usab pag-identify ug paglista sa mga ngalan sa senior citizen in the sitio.

Mag-usa ug magtinabangay lang una kita karong panahon. Unya na ta mag-away inig abot na sa panahon. Layo pa tong 2022.

Earlier, gitukod ni Labella ang usa ka technical group nga maoy mo-formulate sa mga paagi unsaon pagpaghangtag sa financial assistance nga dili makasupak sa mga lagda sa ECQ.  Ang grupo  gilangkoban nila ni City Administrator Floro Casas, City Legal Officer Rey Gealon, Association of Barangay Councils president Franklyn Ong, ug mga Konsehal Raymond Alvin Garcia, Donaldo Hontiveros, Joel Garganera, ug Prisca Niña Mabatid. Hinaut nga ang maong grupo nakadesider na unsaon pagpanghatag sa financial assistant. Kay matud ni Labella, kinahanglan mahatag kining moang assistance sa labing dali nga panahon. Kay alang usab kanamong mga senior citizens, sama sa ubang mga sector sa katilingban, urgent usab kaayo ang among panginahanglan niining maong assistance.

Alang nako, sa ako nang giingon sa unahan, bisan cumbersome kaayo nga paagi, ang pag-house-to-house sa distribution maoy labing tukma. Ang gikinahanglan lang mao nga maghiusa ug magtinabangay kitang tanan.

FINANCIAL ASSISTANCE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with