Promodiser firm mokiha sa ginang
Iris Hazel M. Mascardo (Banat) - December 10, 2019 - 12:00am

CEBU, Philippines — Mipasaka og kaso ang promodiser inabagan sa iyang kompanya ang babayeng customer nga milabay sa ilang produkto diha sa iyang nawong atol sa ilang panaglalis diha sa ilang tindahan sud sa usa ka mall. Ang maong insidente nakuhaan og video ug nag-viral sa social media.

The Mabolo Police Station midakop sa 33-anyos nga si Medelina Berja Yamazaki tungod sa iyang gihimo nga diin miresulta sa pagkasamad sa tinderang si Jennifer Fabillar.

Sumala pang Police Major Dindo Juanito Alaras , hepe sa Mabolo Police Station, posibleng nasuko ang suspek dihang gisultihan kini sa biktima nga dili pwedeng dugayon ang pag-testing sa humidifier kay kun maguba silay pabayron.

“According sa biktima, nagpa-testing ra siya sa humidifier, unya na dugay-dugay.  So, gi-remind sa katong promodiser nga ‘di raba ni pwede madugay ma’am kay maguba, ma-charge ni sa amoa’,” matud ni Alaras base sa pamahayag sa biktima.

“Karon according pud sa atong suspect, katong atong gidakop, giinsulto daw sya atubangan sa iyang bata, mao ‘to nga ing-ato pud iyang reaction mao tong iya gibato ug humidifier,” dugang pa ni Alaras.

Giklaro sab ni Alaras nga ang suspek padayong miinsister nga wala siyay sala kay giinsulto siya atubangan sa iyang anak. Ang anak ni Yamazaki nga gikugos gituohang wala pay usa ka tuig ang pangidaron base sa kuha sa video.

Apan si Fabillar sa iyang bahin determinadong mopasaka sa kaso batok kang Yamazaki.

“Since naa man tay grounds pag-arrest, klaro man gyud ang ebidensya sa video ug sa physical pud nga naay injury tantamount to physical injury nga ma-charge so atong giaresto,” pasabot pang Alaras.

Samtang gipasabo ni Alaras nga di sila makaingon nga dunay deperensya sa pangisip ang suspek subay sa mga pagduda sa mga netizens nga nikomento sa viral video kay doctor lang nga naka-eksamin kaniya ang makaingon niini.

Hinuon, andam silang motabang kun ang suspek ug ang reklamante mangita og medical opinion.  Gani sumala pang Alaras dihang ilaha untang ipaubos sa medical examination ang suspek isip kabahin sa proseso sa pag-detain sa mga dinakpan, nagdumili si Yamazaki ug nipirma og waiver.

Matud pa nga ang bana sa suspek nga usa ka Hapon giingong misuway sa pagpakalma kaniya atol sa panaglalis apan tungod sa lengwahe wala niya mapugngi ang asawa nga makita diha sa video.

Si Alaras mipahimangno sa publiko nga ipatigbabaw kanunay ang pagpailob ug ipaagi sa tarong nga proseso kun dunay dili pagkasinabtanay.  IBM (BANATNEWS)

MABOLO POLICE STATION
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with