^

Banat Opinyon

Panahom ning panahon sa adbiyento

MGA LAMAS SA KINABUHI - Reynaldo T. Cui - Banat

Pagpamalandong sa malangkubong kaayohan

Niadtong Domingo gisugdan na nato ang laing hugna sa atong liturgical calendar nga mao ang Adbiyento. Ang pagdagkot sa mga kandila diha sa korona sa Adbiyento, ang morado nga bulok sa bisti sa pari ang mga pagbasa nagpunting man ning maong mahinungdanong pagsaulog. Tugoti ko nga ning maong pagsaulog atong himoon ang pagpamalandong adlaw adlaw agig pagpangandam usab sa maong kasaulogan sa Pasko sa Pagkatawo sa atong Ginoo sa paagi nga espirituhanon. Ug ato kining sugdan pinaagi mismo sa akong kasinatian usa ka gabii niana.

Gidapit ko sa akong higala nga si Leah nga taga Alegria aron moadto sa ilang panimalay. Kay lagi hapit naman ang piyesta. Kuyog ang pipila ka mga maestra niadto ko sa ilaha. Maabi abihon kaayo ilang pamilya, iya kong gipaila ila sa iyang mga kaparyentihan ug kasangkayan! Char! Nindot ni nga sinugdanan sa mas suod pa gyud nga paghimamat. Usa sa akong mga nakaila mao ang mga edaran nga namiyesta. DAghan kaayo mi og gihisgutan labina kun maghisgot og mahitungod sa kinabuhi. Hangtud nga iyang gisugilon nga kun mahimo unta, mas maayo nga magpuyo gyud sa kinabuhing yano ug simple aron ang mga tawo mas madasig pa gyud nga mopaambit. Hilom lang kong naminaw niini bisan pa man kun sa matag karon ug unya mahimong hasulon ang tanlag ug mobaha ang mga hunahuna sa pagduha duha kun asa padulong ang ilang hinagoan.

Bitaw, daghan kaayo og masulti nato mahitungod sa birtud sa kayano apan sa laing bahin ang maong birtud lisud puy-an sa aktwal nga kinabuhi. Ngano man kaha?

1. Una, tungod kay lahi man ang gitudlo sa kalibutan. Ang gitudlo sa kalibutan puno man sa sophistication nga tungod niini ang bisan unsang simple ang lisud kaayo dawaton.

2. Ikaduha, pananglit ang pagkatawo ni Juan Magbubunyag nga nagpuyo sa kinabuhi didto sa kamingawan diin nikaon lamang siya sa dulon ug dugos ug nagbisti og  kamelyo ang nakapaingon man sa katawhan nga boang boang siya.

3. Ikatulo, ang pagpuyo sa kinabuhing yano ang makapahimo nimong deviant sa mga mata sa mga tawo nga buot og kinabuhing komplikado.

4. Alang tingali sa kadaghanan cool ug chill ra ang kinabuhing complicated mao nga ang simple living isolated.

Ang tanan hinuon anaa ra gyud sa hunahuna magsukad. Kun anaron lamang nato ang atong kaugalingon nga atong hawanan ang atong mga hunahuna sa mga panghunahuna nga negatibo ug ang atong mga kasingkasing sa mga toxic nga pagbati hayan, mamahimong mas nindot ug healthy ang atong kinabuhi.

Ning taliabot nga pagsaulog sa Pasko sa Pasko sa Pagkatawo sa atong Ginoo, dili lang gyud kita ma focus lang sa mga dayan dayan ug sa mga parties hinunoa atong tugkaron ang bili sa matag tawo nga kabahin sa atong kinabuhi. Dili kini mahitungod lang sa bisan unsang lami kondili, mahitungod kini sa bisan unsang makapalipay sa matag usa kanato diha sa paghimo og maayo alang sa kalambuan sa katilingban sa paagi nga yano apan kinasingkasing.

ADBIYENTO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with