Sayop ni Osmeña
SAKSAK SINAGOL - Lucky Malicay (Banat) - May 15, 2019 - 12:00am

Paglurang sa aso sa piniliay, migula nga mananaug si Bise Mayor Edgardo Labella sa iyang kumbati  batok ni Mayor Tomas Osmeña alang sa labing dako nga posisyon sa lokal nga pangagamhanan sa dakbayan sa Sugbo.

Daghan ang dili makatuo nga mapildi si Osmeña sa maong eleksiyon niadtong Lunes. Kini tungod lagi kay usa siya ka Osmeña. Ug gumikan usab kay incumbent siya ug anaa niya ang daghang resources tungod kay anaa siya sa gahum.

Kabahin ni Labella, simple lamang ang iyang estilo. Hinuon dili usab ikalimod sa iyang kampo nga iyang kadaugan dako usab og natampo ang iyang pagtipon sa nasyonal nga partido ni Presidente Rodrigo Duterte.

Hinuon daghan gayud ang nag-expect nga modaug si Osmeña batok ni Labella. Kini tungod sa rason nga kulang sa makinarya si Labella isip anaa sa oposisyon. Usa pa, si Labella nailhan nga dili gayud lumad nga taga Sugbo.

Apan unsa gayud ang nag-unang rason sa kapildihan ni Osmeña? Sa akong pangagpas gilupig siya sa estratehiya ni Labella, kansang kampo hilom kaayo nga mikamas sa ilang mga plano pagbuntog sa incumbent mayor.

Usa usab sa hinungdan niini mao ang sige og paghot ni Osmeña sa kapolisan sa dakbayan, ilabina sa direktor niini nga si Colonel Royina Garma. Nasayod kita nga walay kontrol si Osmeña sa Cebu City Police Office.

Gani dili siya ang nagrekomendar kang Garma nga mahimong hepe sa dakbayan. Mismong si Presidente Rodrigo Duterte ang nagbutang sa maong police official dinhi, butang nga gikasagmuyo pag-ayo sa mayor.  

Samtang sige og pagpangatake si Osmeña sa kapolisan nga mao kuno ang nagpaluyo sa pagpatay sa mga drug suspects ug sa mga harassment sa iyang mga kaalyado sa kabaranggayan, hilom lamang nga mipakatap sa iyang mga estratehiya si Labella sa kabaranggayan.

Daghan ang nakapaniid nga sipyat kadto ni Osmeña. Kay tungod sa iyang sige og paghot sa kapolisan, nalihis na hinuon ang iyang atensiyon gikan sa mas importante nga butang nga mao ang iyang kumbati batok ni Labella.

Imbes nga tutokan pag-ayo ang iyang reelection bid, tua na hinuon na-busy ang mayor pagpahit sa kapolisan nga iyang giakusahan nga nakig-alayon sa kampo ni Labella. Klaro nga sayop kadto nga estratehiya.    

OSMEñA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with