Good luck sa mga migradwar
AMBOT LANG - Gerry Auxilio (Banat) - April 16, 2019 - 12:00am

Part 2

Dapat andam na ang mga gradwado sa K to 12 Basic Education Program sa mga trabaho sa sulod ug gawas sa nasud. Apan giangkon sa Department of Education nga ang mga employer nabalaka sa dili ka andam sa mga gradwado sa K to 12 program tungod kay maoy gihimug-atan sa ilang training ang work immersion ug dili ang pagkat-on sa ilang trabaho.

Ang Philippine Chamber of Commerce and Industry’s Human Resources Development Foundation Inc. nagtoo nga ang pagdumili sa mga employers sa pagdawat sa mga bag-ong migradwar kini tungod sa kakulang sa mga gikinahanglang skills ug training nga maoy gipangita sa ilang industriya apan wala kini sa mga K to 12 nga programa.

Ang Philippine Business for Education nga usa ka advocacy group miingon nga samtang ang unang batch sa K to 12 nga migradwar naghupot og 93 porsiyento nga competencies nga motakdo sa gikinahanglan sa mga industriya sa nasud pero 20 porsiyento lamang sa 70 porsiyento sa mga nag-unang kompanya sa nasud ang ganahan nga modawat og gradwado sa Senior High School o K to 12 program.

Asa man ron niini ang trabaho para sa mga migradwar sa Senior High? Ibutang nato nga maayo na ang K to 12 nga programa, asa man patrabahoa sa gobiyerno ang mogradwar sa umaabot pang katuigan ubos niining maong programa?

Matud pa sa usa ka opisyal sa edukasyon, sa pagkakaron, ang tutokan, dili lang ang pag-andam sa tinun-an nga makamao siya nga motrabaho. Apilon usab unta sa pagtutok sa gobiyerno ang pag-andam sa ekonomiya nga makapasulod kini og trabaho.

Mao kini karon ang dakong hagit sa liderato ni Presidente Rodrigo Roa Duterte kun unsaon pagpahilona sa iyang administrasyon ang mga gradwado sa K to 12 nga gusto nang motrabaho. Dugang kining sakit sa ulo sa presidente nga nagkaproblema nang daan unsaon sa pagpahiluna sa mga gradwado sa kolehiyo.

K TO 12 BASIC EDUCATION PROGRAM
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with