Mga benepisyo sa wild lettuce (1)
HIMSOG NGA KASAYORAN - Pons M. Abatayo (Banat) - September 15, 2018 - 12:00am

Ig-agaw ra kini sa lettuce nga utanon nga gihimo natong salad. Mahimo nga nakakita na mo ining ‘wild lettuce’ apan wa lang kasiguro kon mao ba ni tanoma.

Manurok ni’s kabugangan nga motubo nga tagilapaw lang sa atong gitas-on. Talagsaon nga maka-intriga ang porma sa dahon ini, nga morag naglumpong mga sima sa bangkaw. I-Google lang ang imahe aron ka kaila ini ug makatanom sa misetas.

Kaniadto pa sa karaang panahon nga gigamit na kining pangremedyo sa lainlaing problema sa panglawas. Gani, niadtong panahon sa gubat, ang mga naangol nga sundalo kon mahutdan sa ‘liquid opium’ nga pawagtang sa sakit aron makasukol pa, manghagdaw ra’g ‘wild lettuce’ nga giisip usa ka ‘natural opium’. Apan gikonsiderar nga dili kini maka-adik ug wala’y side effect.

Unsa pa ma’y  makuhang benepisyo sa ‘wild lettuce” ? Ania ang mga mosunod;

* Pahimsog sa baga (respiratory health) — Kay nagbato’g antitussive, nga potensyal sa pag-ayo sa hubak ug sa kanunay nga pag-ubo. Makontrol niini ang hamugaway nga pagginhawa. Kon mga problema sa baga, sama sa bronchitis ug allergy, mas angay magpakonsulta sa doktor, una mokonsumo sa wild lettuce.

* Sakit sa ulo ug migraines — Tungod kay kini tinubdan sa mga nutrients nga potensyal naghatag og epektibong pag-alibyo sa panakit sa ulo ug migraines. Kon dili dayon ni pipila ka adlaw maatiman, moresulta sa daghan komplikasyon. Ang pagkonsumo sa herbal nga tsa, sama sa pinaugang dahon sa ‘wild lettuce,  usa ka tasa kada adlaw, sa dili pa matulog, igo sab mawala ang panakit nga makatulog ka.

* Isip pawagtang sa mga panakit (painkiller) — Ang kaepektibong aksyons sa mga component nga anaa sa wild lettuce, susama ra sa morphine.

 

LETTUCE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with