Bakak sa Gabriela
TIKDOL SA PORDOY - John Rey Saavedra (Banat) - December 21, 2017 - 4:00pm

Duha ka Domingo ang nakalabay, ang Integrated Bar of the Philippines – Cebu Chapter ug ang 1901st Infantry Brigade Ready Reserve, uban sa laing mga organisasyon mihimo og medical and civic action mission didto sa Barangay Cansuje, Argao, Cebu.

Kapin sa libo ka tawo gikan sa Cansuje ug lima ka silingang barangay ang nakabenepisyo sa libre nga medical checkup, ibot sa ngipon ug pasta, tupi, masahe, legal consultation, feeding sa mga bata, ug seminar kabahin sa balaod alang sa kababayen-an.

Si Mayor Stanley Caminero mapasalamaton kaayo sa IBP-Cebu Chapter nga gipangulohan sa presidente niini nga si Atty. Mundlyn Misal-Martin ug sa tresurero nga si Atty. Rhenier Mora ug sa 1901st Infantry Brigade Ready Reserve nga gipangulohan ni Col. Erik Miguel Espina.

Miabag usab sa maong kalihukan ang Central Command, 53rd Engineer Brigade, 5th Technical and Administrative Service (Cebu ug Dumaguete), 1st Cebu Ready Reserve Battalion, Naval Forces Central ug Naval Reservists, Philippine Air Force, JCI Metro Cebu Uptown, InfoHub Transport, Department of Health-7, Simply Share, ug uban pa. Ang kalihukan gibuksan pinaagi sa Santos nga Misa nga gisaulog ni Father Captain Brian Butanas, usa ka pari nga Reservist nga sakop sa Chaplain Service sa AFP ug sakop sa Salesian of Don Bosco.

Sa 2018, dugang mga medical mission ang pagahimoon sa 1901st Infantry Brigade Ready Reserve, ang nag-inusara nga brigade sa mga Army Reservists sa rehiyon siete nga gipanguluhan ni Col. Espina.

* * *

Kon imong paminawon, kining propaganda sa mga walhong komunista daw makatuo ka. Pero kon imong utingkayon ug usisahon kon tinuod ba, maglagot ka sa kalayo sa kamatuoran.

Karong bag-o, ang Gabriela, usa ka walhon nga party-list, nagkanayon nga ang rape joke kuno ni Presidente Duterte nakapa-“normalize” sa sexual abuse sa kababayen-an.

Kon paminawon, daw makaingon ka: “kuyawa no! Ang rape joke sa presidente nakapasaka sa gidaghanon sa kaso sa sexual abuse?”

Pero, wala pa gyud ko makadungog og kaso sa pagpangabuso sa kababayen-an nga ang suspetsado miingon nga iyang nahimo ang pagpanglugos o pagpanghilabot sa babaye tungod kay na-impluwensiyahan siya sa rape joke ni Duterte.

Ang tinuod, sa lista sa mga kaso sa sexual abuse sa nasud mugna sa tawo nga gumon sa gidili nga drugas. Dili tungod kay nahunahunaan nila ang pagbuhat sa krimen tungod sa rape joke sa presidente.

Tingali nahinumdoman pa ninyo ang kaso didto sa Carcar diin usa ka tuig nga batang babaye gilugos og adik-adik. Nang-rape ang kanahan tungod sa kalango niya sa shabu, dili sa rape joke sa presidente.

Adunay 16-anyos nga bata didto sa Luzon nga gitabangan og lugos. Ang nanghilabot adik. Asawa og guwardiya gitabangan gihapon og lugos, giapil pa ang buta nga inahan, rape joke ba ni Duterte ang hinungdan?

 Nagngalngal lang ning Gabriela.

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with