Nagdilaab nga Europa

Dili na mabangbang ang mga riot nga miulbo didto sa Europa, particular na sa France. Sa akong pagsulat niini kagahapon, daghan sa mga siyudad sa France ang nagdilaab sa padayong kumbati tali sa mga nagprotesta ug otoridad.

Ubay-ubay sa mga historical  nga lugar sa maong nasud ang gisunog sa mga nagprotesta. Sayang tungod kay ang mga tourist destinations natukod gatusan ka tuig na ang nakalabay.

Kining mga panghitabo gitagna nga makapausab sa landscape ug dagan sa maong kontinente sa umaabot nga mga dekada. Kini tungod kay adunay mas lawom nga sangpotanan nga moresulta unya sa pagkausab sa kultura niini.

Nagsugod ang mga riot sa France sa dihang nagprotesta ang mga estudyante tungod kuno sa kakulang sa mga magtutudlo sa mga tulonghaan. Apan ang mga protesta misangpot ngadto sa mga riot sa nagkadaiyang lugar sa nasud.

Apan ang problema mao nga ang mga protesta giapilan usab sa mga sektor nga gilangkoban sa liboan ka mga immigrants nga kasagaran gikan sa mga Muslim countries gikan sa Africa ug Middle East nga ilegal nga misulod sa Europa.

Mao nga ang mga protesta batok sa kakulang sa mga magtutudlo nahimo na hinuong bayolenteng panawagan pagsuportar sa mga Palestinian tungod sa mga Muslim nga mi-take advantage sa sitwasyon.

Ang kaguliyang sa France karon gikahadlokan nga motabok ngadto sa ubang nasud sa Europa diin adunay mga gatusan ka libong Muslim immigrants nga nagpuyo. Gani aduna nay mga riot nga gikataho didto sa Belgium.

Mora’g wala mosaler ang lakang pag-integrate sa mga Muslim immigrants ngadto sa katawhan sa Europa. Maayo  unta ang lakang pagmugna og usa ka diverse ug multicultural nga Europa. Ang problema mao nga ang mga immigrant walay gusto nga mogakos sa bag-ong kultura.