Gininhawa

Kon maghisgot kita og espiritu kini gikan sa pulong nga ruah ug pneumah nga nagpasabot og gininhawa/nga sa ato pa prinsipyo kini sa kinabuhi. Ang Espiritu Santo mao man ang naghatag og kinabuhi sa atong pagkasimbahan ug gikan kaniya nidagayday ang charisma o gasa nga nakahatag og kahulogan sa kinabuhi sa atong pagkasimbahan/dugang pa siya ang naghatag og kalipay ug kahupayan kanato nga anaa sa kangitngit ug kabugnaw diha sa atong pagtuo ug sa atong pag-ila sa Diosnong gugma. Sa atong pagpuyo mahinungdanon nga ato siyang sangpiton ug sa mata’g desisyon nga atong pagahimoon ato siyang sangpiton.