EDITORYAL - Nabali ang hangin
(Banat) - March 26, 2017 - 12:00am

Daw nabali ang huros sa hangin diha sa konseho sa Cebu City, karon nga nibalhin sa Bando Osmeña Pundok Kauswagan (BOPK) ang usa sa mga sakop sa Team Rama. Kagahapon sa buntag, pormal nga gianunsyo ni Konsehal Jerry Guardo ang pagtapon niya sa BOPK ug gidawat usab siya ni Cebu City Mayor Tomas Osmeña.

Nagkahulogan kini nga may kusog na ang BOPK sa konseho kun adunay mga resolusyon, ordinansahon ug mga plano ang ehekutibo kay paspas na kini nga maresulba.

Usa niini kining problema sa labayanan sa basura sa dakbayan nga gibasol sa mayor sa kanhi mayoriya nga Team Rama.

Laing mas mapadali unya ang dagan sa isyu sa pagbaligya sa mga luna sa South Road Properties. Sa laktod nga pagkaestorya, dili na unya maglisod ang mayor sa pagpatuman sa iyang mga gusto bisan pa og kinahanglang mananghid sa konseho. Ang bugtong babag na lang niini kun adto musang-at og reklamo sa kaulohan o sa Ombudsman ang oposisyon sa mga gustong buhaton sa mayor.

Adunay kaayohan niini apan dili usab kini maayo nga sitwasyon kay mahimong wa nay mokontra sa mayor bisan og sayop, apan kun makaayo usab sa kinabag-an ang himoon sa mayor, mas paspas ang serbisyo kay wa may mobabag. Bahala na lang og kinsa ang dominante sa konseho. Wa man magtagad kaayo niiini ang katawhan, kay ang importante nga mahatag sa siyudad ang mga gikinahanglang serbisyo alang sa mga tawo.

BOPK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with