Tubig imnon sa dili pa mokaon

Nasayud na kita kun unsa kamahinungdanon ang tubig. Gani ang lawas, natibuok man kini sa 60-75% nga tubig. Kun kulang kita sa tubig, kalagmitan mao kini ang unang hinungdan sa daghang sakit nga motumaw sa lawas. Bisan gitudloan na kita sa gidaghanon sa angay imnong tubig, dili pa ta kahimo kay unsaon gana-gana lang nga way pagtagad o gitamod nga regulasyon.

Mao nga di kalikayan nga maantimano kita sa mabug-at nga balatian, nga atong giantos karon. Ato kuhaan og ehemplo ang nasud sa Japan, naila sila nga tag-as og pangedaron, bisan kaniadtong biktima sila sa bomba atomika, naninguhang manormal ang kinabuhi. Metikuloso sila sa pagkaon labi na sa pag-inom og dekalidad nga tubig. Uso didto ang pag-inom sa tubig sa dili pa mokaon.

Nahimong gawi na nilang igbangon sa buntag, moinom dayon nga wa pay sulod ang tiyan.

Matud pa, 100% kining makaayo sa daan o bag-ong sakit sama sa; labad sa ulo, panakit sa lawas, kasingkasing, obis, TB, meningitis, kidney, konstipasyon, diabetes, sakit sa tiyan, sakit sa mata, ilong, dalunggan ug tutonlan. Ania ang gihatag nga paagi, sa pag-inom ini;

* Inigbangon sa buntag, sa di' pa magsipilyo sa ngipon, moinom una'g 4ka basong 160ml nga tubig.

* Magsipilyo ug limpyohi ang baba, apan ayaw pagkaon o pag-inom og bisan unsa sud sa 45minutos.

* Kada 15minutos human sa pamahaw, paniudto, ug panihapon, dili na mokaon o moinom sud sa 2ka oras.

* Kadtong edaran o masakiton nga di pa kahimo sa gidaghanon ini, pwede anamon hangtud maanad sa pag-inom og 4ka 160ml nga tubig.