Hitsura ni Liza ug ni Inday Sara

Dili tanang libro nga bati ang hapin, bati sab ang anaa sa sulod. Usab, dili tanang libro nga ang hapin nindot, nindot sab ang sulod.

Tungod kay may mahalon ang hapin, pero laksot diay ang sulod. Hinuon, mahitabo pod, kon unsa ang hapin, mao usab ang anaa sa sulod.

Sama sa babaye. Dunay matahom na ang panagway, matahom sab ang sulod sa kasingkasing. Ug vice versa: Naa poy batig nawong, nga bati sab kaayog kinaiya.

Ug makita nato kining duruha ka managlahing panagway diha sa atong Bise Presidente Sara ‘Inday’ Z. Duterte ug ni First Lady Liza Araneta Marcos.

Himatikdan, nga niadto pang 2022 election nga pangampanya, dinhay higayong nagpakitag lihok si Liza nga wala siya makagusto ni Inday. Samot na, dihang midaog kini via landslide.

Usab, dinhay mga foreign trips si Presidente Bongbong Marcos (PBBM), diin giisnab ni Liza si Inday, kinsa isip ikaduhang kinatas-ang lider sa nasod, agig protocol, usa sa mga mipalarga sa pinakasuroyang pangulo.

Hangtod karon, nagtinguha si Liza nga mahanaw si Inday sa ilang dalan sa politika kay giisip niyang dakong babag sa ilang kahangol sa gahom, bahandi ug posisyon. Diin bisag unsa na lang ang gihimo aron pag-demolish sa lig-ong imahe ni Inday.

Niining bag-o, sa exclusive interview ni Ka Tunying Tabierna, alalay ni Liza, iyang gipabuto ang nag-alintabo niyang kasuko ngadto ni Inday. Kay kuno mitambong sa 1st Davao City Hakbang ng Maisug Candle Light Prayer Rally.

Unya mikatawa pa human hinganlig ‘bangag’ si PBBM ni Tatay Digong. Gitawag-bunyagan pa ni Liza si Inday og ‘bad shot!’

Hinuon, hisabtan ra siya ni Inday, kinsa miingon: “Bilang isang tao, karapatan ni Unang Ginang Unang Liza Marcos na makaramdam ng sama na  loob at galit. Subalit, ang kanyang personal na damdamin ay walang kinalaman sa aking mandato bilang isang opisyal ng pamahalaan.

Upang makausap tayo, iiwan natin sa isang pribadong pag-uusap sa pagitan lamang namin ni Pangulong Bongbong Marcos Jr. ang mga susunod na hakbang.”

Dinhi makomparar ang hitsura sa kinaiya nilang duha. Dinhi gimatuod, kon unsay ilang panagway sa gawas, mao usab ang anaa sulod sa ilang kasingkasing. At least, nakaila na ta nila!