Balimbing time!
IYO ANTOY - Antolin dela Cerna (Banat) - May 24, 2016 - 12:00am

Ingon, change is coming. Sa Kongreso, it seems nga walay change nga moabot. Sama sa nangaging post election period, ang atong mga halangdon ug honorable nga sakop sa Kongreso naglumba na usab paglayat ngadto sa presumptive party in power. (Gamit sad ko’g pulong presumptive aron ingnon ngilngig sad ko mo-Inenglis. Sila ray kamao).

Nahinumdom ko, dugay na, dunay anti-turncoatism bill nga gipasaka sa Lower House, apan wala kini maka-first base, na-foul diretso, kay walay giganahan niadtong balaudnona.

Gani, niadtong panahona, duha ra ka partido, ang Nacionalista ug Liberal ang nagbugno sa politika. Busa, nag-ilis-ilis lang sila og partido. Si Marcos, pananglitan, usa ka Liberal, nag-Nacionalista pagdagan niya pagkapresidente.

Ug ang ubang kadagkoan sa Nacionalista nag-Liberal usab. Apan, pagdaog ni Marcos, nag-Nacionalista silang tanan, hangtod nga natukod ang KBL, diin, lakip kita dinhi sa Sugbo, nag-KBL usab ang atong mga lider sa politika.

Maayo man gani kay sila rang mga lider ang nag-KBL, ang mga Sugbuanon, wala magbalimbing, atong gipilde ang KBL pinaagi sa Pusyon Bisaya. Hinumdom mo? Maoy hinungdan nga duna kita’y Natalio Bacalso Avenue dinhi sa Sugbo.

Anyway, niining pag-inilogay sa puwesto pagka-Senate President ug pagka-House Speaker, gikinahanglan ang pag-balimbing. So, nothing is new. Change is not coming.

Kinahanglan ba gud nga ang Senate President ug ang House Speaker mga tawo sa Presidente? Di ba independent ni nga body ang Kongreso? Nganong mahadlok man ang Presidente sa Kongreso?

Sa special edition nga issue sa Philippines Graphic penetsahan og Pebrero 23, 2015, diin si Duterte ang cover story, sa pangutana kun unsay una niyang pagabuhaton kun ma-presidente siya, iyang tubag, atong kutloon: “If I become President, I will close Congress.”

Karon, kun mao lang gihapon ang mga actuations sa atong mga magbabalaod, kun walay change nga muabot kanila, might as well tinud-on ni Duterte ang iyang panganti pag-abolish sa Kongreso.

Angay hinumdoman ni Duterte nga napili siya nga Presidente, dili tungod sa partido. Unsa ra gud nang PDP Laban? Makaangkon ba ang PDP-Laban ni Pimentel nga maoy nakapadaog ni Duterte?

So, wala siya’y nautangan og kabubut-on nga partido, so, wala siyay angay kahadlokan kinsa ang mahimong Senate President ug House Speaker. Sa ato pa, dili kinahanglan nga magbalimbing sila, aron ma-iya ni Duterte ang leadership sa Kongreso.

Apan, wa  na tay mahimo niini. Nahimo na kining kabahin sa politikanhon natong kinabuhi ug kultura. Wala na kita’y mapaabot nga change niining bahina.

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with