Party discipline
IYO ANTOY - Antolin dela Cerna (Banat) - April 29, 2016 - 10:00am

Party politics is dead. Mao kini ang paniid ug pangagpas sa pipila ka political analyst kinsa nabalaka nga ang umaabot nga mga eleksyon, himoon na lang nga duladula, circus, palabwanay kinsay daghan og kwarta, ug kinsa ang labing popular.

Atong gihisgutan dinhi ang panginahanglan pagbalik sa two-party system, diin klaro ang ideology, baruganan, prinsipyo sa partido, lakip na ang dili managsama nga mga plano ug plataporma alang sa mauswagong panggobiyerno. 

Karon, bisag kinsa na lang ang makatukod og partido, ug bisag kinsa na lang ang magkandidato ubos sa napilian nila nga partido. Sa ato pa, for convenience ang tanan.

Giingon dinhi nga ang mga partido wala’y klaro nga prinsipyo ug criteria pag-recruit kinsay himoon nga kandidato. Sa laktud, wala’y party discipline.

Maoy mopatigbabaw ang mga personalities. Wala’y molutaw nga mga baruganan o prinsipyo sa partido nga gipasilongan.

Sa ato nang gihisgutan dinhi, sa America, gawas sa mga primaries, hashason gayud pag-ayo ang buot himoon nga official candidate sa ilang partido. Ug lakip sa isyu, lakip sa pilion sa mga botante ang mga baruganan sa duha ka partido: ang Democrat ug Republican.

Dinhi sa ato, wala’y labot ang mga political parties sa atong pagbotar. Dili kita mangutana kun unsay mga baruganan sa LP, sa Una, NPC, NP, O sa PDP-Laban. Locally, unsa may kalainan sa Team Rama ug sa  BO-PK as a party? Unsa may ilang mga baruganan as a party?

Di ba, maoy atong makita sila si Mayor Mike Rama ug kanhi mayor Tom Osmeña, inay maoy atong sutaon pag-ayo, unsa ang mga baruganan sa maong mga partido? O, mga political parties ba kining duha ka pundok? Tingalig tipuntipon, conglomeration lang sa mga politiko. 

Anyway, sa ato nang gihisgutan dinhi, hinaut nga isipon kini nga usa sa mga priorities sa mosunod nga administrasyon: pagpabalik sa two-party system, aron sa national level, kalikayan ang pagpili sa usa ka minority president.

* * *

Kinsa man ang mudaog pagkapresidente, maoy atong panghinaut nga ma-sustained kining giingon sa Heritage Foundation nga ang Pilipinas: "Is one  of the most improved countries over the past five years." So, usa kita sa pipila ka nasud nga nagmauswagon ug miusbaw ang kahimtang ekonomikanhon.

 Dugang sa Heritage Foundation: "The Philippine economy has been growing steadily the past five years." Ang katawhan ug ang mga investor nakaangkon na og mga kabtangan, naka-generate og dugang kinitaan, nakapamalit na'g consumer goods, ug nakapamatigayon na.

 Ato ba kining ma-sustained?

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with