Mga remedyo sa sakit sa ngipon

Dagha'g hinungdan ngano mosakit ang atong ngipon, kalagmitan may lungag nga gikutkot o 'cavities', nihupas o natangtang ang pasta (tooth fillings), sakit sa lagos, o liking ngipon o  problema sa panga o apapangig. Haskang sakit kun ngipon nay mosuol, di gyud lalim pero dia ang mga remedyo

* 'Pepper' ug Asin — isagol nga pareho ang gidaghanon sa 'pepper powder' ug asin, kutawa hangtud mapasta. Ighuman idirekta nga ibutang sa apektadong ngipon. Pasagdi sud sa pipila ka minutos. Buhata ni sud sa pipila ka adlaw.

* Ahos — kanang bisaya kay isog ug dali mo-epekto, nga mawala o mobanhod ang sakit sa ngipon, kay natural antibayotik ni. Pagdugmok og lusok sa ahos nga may sagol sa asin. Kun may lungag, ipaslak kini.

* 'Cloves' — Usa ni ka 'anti-inflammatory',' anti-bacterial', 'anesthetice', nga motabang pagsanta sa impeksyons. Pinoha o galinga ang 2ka buok 'cloves' unya sagoli'g 'olive oil'. Pwede sab 'clove oil' ug 'olive oil', sagolon kini nga bas-on ang gapas nga ipaslak o ipahid sa lagos nga nagsakit ang ngipon. O kaha pun-i'g tubig nga igo'ng maugom o ilimugmog makadiyot, hangtud mokalma ang sakit.

* Sibuyas Bombay — Usa ni ka antiseptic ug 'anti-microbial'.  Kanang pulahon nga hiwaon o tadtaron nga usapon nga moduga.  O ibutang sa ngipon.

* Init tubig nga may asin — 1ka baso ug ½ sa kutsarita, sagola'g ilimugmog.

* Dahon sa bayabas — usa ni ka 'anti-inflammatory', 'analgesic', ug 'anti-microbial'. Usapa ang mga udlot sa dahon ini, hangtud moduga o mobanhod.

* 'Wheatgrass juice' — Usa ni ka 'anti-bacterial juice' nga ilimugmog lang nga pwede mainom. Kay may mga 'anti-oxidant' ang wheatgrass sa duga ini.

* 'Ice cubes' —  Aron mobanhod o mokalma ang kasakit sa ngipon, pagputos og 'ice cubes' sa panapton, nga imo ibutang o itapion sa dapit nga nagsakit.