Unsaon pag-claim sa insurance sa bata
LEGAL CORNER - Atty. Divine Flores (Banat) - September 3, 2014 - 12:00am

Dear Atty. Divine,

Ang akong bana adunay insurance ug namatay siya last year. Ang akong tulo ka anak nga pulos menor de-edad maoy iyang mga beneficiaries. Karon mi-claim na ko in behalf sa akong mga anak sa Insurance company sa proceeds sa Insurance sa akong bana apan gipangayoan man ko og Judicial Bond sa Insurance company nga not less than 10 percent sa amount nga ilang i-release kay mga menor de edad pa kuno ang mga beneficiaries. Unsa may akong buhaton attorney aron ko makabutang og Judicial bond? - Lucy

Dear Lucy,

Base sa atong balaod kon ang menor de edad maka acquire og properties ang mga ginikanan maoy magsilbi’ng guardian niini. Apan ang ilang pagka guardian sa kabtangan sa ilang mga anak dili automatic kondili kinahanglan kini nimo nga pangayuon sa Korte pinaagi sa pagpasaka og Petition for Guardianship sa property sa mga menor de edad. Busa ang maayo nimong buhaton karon mao ang pag-adto sa abogado aron maandam ang imong Petition for Judicial Bond for the Claim of the Insurance Benefit, aron ma-release ang Insurance proceeds sa imong mga anak. Nasayod ang mga abogado sa mga proseso niini ug kasagaran sa pangayuon sa korte nga bond aron ma-release ang insurance proceeds not less than 10% sa amount nga i- release (Art. 225, Family Code). Kon duna nay Order ang Korte, after sa hearing, ang 10% nga bond mamahimo nimo nga ipaagi sa surety bond aron dili ka dako og mabayran. Thanks and God Bless. - Atty. Divine

Alang sa imong pangutana, ipadala lang sa Legal Corner sa Banat News sa V. Gullas Street, Cebu City or email sa flores_divina@yahoo.com ug akong tubagon ang pangutana matag Miyerkules ug Domingo pinaagi sa akong column.

AKONG BANAT NEWS CEBU CITY CLAIM OF THE INSURANCE BENEFIT DEAR ATTY DEAR LUCY FAMILY CODE JUDICIAL BOND
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with