Polling precincts alang sa mga senior citizens
SENIOR CITIZENS CORNER - A.M. Dela Serna (Banat) - September 20, 2013 - 12:00am

Ang Commission on Elections (COMELEC) mipagula sa Rules & Regulations sa Republic Act 9763 nga naghatag og gahom sa Comelec pag-establish og special nga mga polling precincts, alang sa mga senior citizens ug PWDs.

Giingon dinhi, “polling places should be on the ground floor, preferably near the entrance of the building and is free of any physical barriers and provided with necessary services including assistive devices.”

So, nindot na ni alang kanatong mga senior citizens, labi na sa mga persons with disabilities. Paghatag kanato’g kasayon sa atong pag-exercise sa balaang katungod pagpili. Kay sa una gong mga panahon, wala hatagi’g igong pagtagad ang kahimtang sa mga senior citizens ug PWDs.

Akong hinumdoman nga sa diri na kami magpuyo sa Guadalupe, ang akong voting precinct didto sa fourth floor sa usa sa mga tunghaan. Arang-arang pa tong tuiga, kay medyo bata-bata pa ko. Bag-o pang na-senior citizen. Apan, karon, kinahanglan di na ko pasak-on sa taas, otherwise, di na lang ko mobotar.

Busa, good news ni. Hinaut ma-fully implementad gyud ni. Nalipay kita nga sa mga butang nga sama ini, gi-take for granted lamang kini sa atong gobyerno. Gani, dihay mga panahon nga ang mga senior citizens (waa pa ko ma-senior niadtong panahona), miisip sa ilang kaugalingon nga mga third class citizens in this country.

Mao nga inig-eleksyon, maluoy tang magtan-aw sa mga senior citizen nga maglisud pagbotar,  maapil sa lamoklamok, dusoduso, pagpangita sa ngalan,  ug mabawo pag katkat paingon ngadto sa ilang polling places nga nahimutang sa ikaduha o ikatulong  andana.

Apan, karon, nalipay kita nga dili kay express lane lang ang ipahigayon alang sa mga senior citizens, kundili, special polling precincts alang ra gayud sa katigulangan ug mga PWDs, ug kinahanglan sa ground floor gayud, duol sa main door sa building o sa main gate.

Samtang sa laing bahin, usa ka open letter napatik sa usa ka pamantalaan bahin sa usa ka reklamo diin, usa ka botika sa Lahug ning dakbayan, wala mohatag sa igong gidaghanon sa tambal, kay kono ilang policy nga pito ra ka tabletas ang ilang mahatag ngadto sa senior citizens matag semana.

Ang customer walay nahimo, mibalhin ngadto sa Mercury Drug, ug didto gihatagan siya’g tambal nga good for one month supply. Nanghinaut siya nga imbestigahon kini sa city hall.

Ug ayaw kalimot, paminaw sa Senior Citizens Hour sa DYRC 648 kHz matag Sabado, 5:00-6:00 pm. Tels. 4125249, 4125298.

AKONG ANG COMMISSION APAN ARANG CITIZENS REPUBLIC ACT SENIOR SENIOR CITIZENS HOUR
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with