Positive stroking active (PSA)

Puno na kaayo ang atong palibot sa mga butang nga bati ug makadaut sa hunahuna ug pagbati. Patay dinhi, tulis didto.

Wala pay labot sa mga katalagman ug sa mga isyu kalabot sa Mental Health.

Kabahin lamang kini sa mga panghitabo sa kalibuoan.

Ang kahimtang sa kalibotan ug kalambigitan mahmong mag-agad sa mga tawo nga naglihok ug nagpakabuhi niini. Unsay buot ipasabot niini?

Kun positibo ang hunahuna ug pagbati sa mga naglihok ug nagpuyo sa kalibotan nan, mamahimong nindot usab ang kalibutan.

Kun negatibo nan, mamahimong negatibo usab ang mahitabo ug mga panghitabo sa kalibutan. Phenomenological kini.

Ang mga paghitabo labina kun lihok sa tawo nisalamin lamang kun unsang matanga kita sa pagkatawo., ug kun unsang matanga sa pagpili ang atong gihimo matag adlaw sa atong kinabuhi.

Kining tanan makaapekto gyud s atong palibot ingon man sa atong katilingban.

Mao gikinahanglan ang positive stroking activity. Imbis tan-awon ug pangitaon nato ang bisan unsang sayop sa atong isigkaingon ug sa atong kaugalingon atong sud-ongon atong sud-ongon ang mga butang ug mga hiyas nga mga nindot ug positibo.

Kining mga butanga makapadasig kanato sa pag alinggat nga magmadaugon ang kaayo kaysa kadautan. Dasigon ang matag usa, ug sultihan ang matag usa sa kaayo nga nahuptan ug dili ang kadautan niini.

Kay bisan unsa pa man kadautan ang tawo, adunay maayo nga nagpabilin kaniya…. Angayan lamang nga makaalinggat siya niini.