Obligado ba ang mga heirs sa contract of lease?

Dear Atty. Divine,

Ang farmlands sa among parents ilang gipaabangan og long term. Last year, namatay ang akong papa ug last month namatay ang akong mama. Ang plano karon sa akong mga igsuon nga among kuhaon og balik ang farmlands apan ang problema kay aduna pay nahibilin nga 7 years sa ilang lease contract. Ang akong pangutana kun mapugos ba ming mga heirs sa pagtuman sa Contract of Lease bisan kon dili kami ang nagpirma niini? Daghang salamat.

Jane

* * *

Dear Jane,

Yes, ang mga heirs obligado sa pagtuman sa lease contract nga nag involve sa properties nga ilang na-inherit. Kini tungod kay ang kamatayon sa imong parents dili maka pa extinguish or dili maka terminate sa lease contract nga ilang gipirmahan basi sa Article 1311 sa atong Civil Code. Busa kamong mga sumusunod or heirs sa properties obligado nga motuman kun unsay nalatid sa kontrata nga gipirmahan sa inyong mga ginikanan. Hinuon kun aduna moy nakitang kalapasan sa terms and conditions sa nag-abang sa farmlands then mamahimo kini ninyong kabasihan sa pagpa-terminate sa lease contract. Busa kinahanglan nga inyo unang sutaon kun unsay mga terms and conditions sa ilang lease contract ug sutaon kun natuman ba kini sa nag-abang. Kun wa moy makitang kalapasan then inyong huwaton nga mo end ang contract una ninyo makuha pagbalik ang property. Hinuon aduna sab moy option nga estoryahon ang nag-abang kun mosugot ba kini nga boluntaryo niyang iuli ang farmlands bisan kun wa pa mahuman ang kontrata.

Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.