Ex-convict nakit-ang patay sa lungsod sa sibonga
CEBU, Philippines — Patay nang nakit-an ang usa ka 32 anyos nga ex-convict diha sa sapa sa may Purok Manga, Barangay Dugoan, Sibonga, Cebu, niadtong Lunes sa buntag.
Ang nakit-ang wala nay kinabuhi mao si Antonio Torres, nagpuyo sa nahisgutang lugar ug nabilanggo sa kasong murder apan duha na ka tuig nga nakagawas sa prisohan.
Sa initial nga imbestigasyon, ang kapolisan miresponde og trouble alarm nianang adlaw nga Domingo, didto sa maong lugar nga naglambigit sa biktima, apan pag-abot sa kapulisan giingong nalinaw na.
Apan ang kapulisan sa Sibonga, nakadawat ug taho gikan sa mga barangay officials, Lunes sa buntag nga nakit-an ang biktima nga wala nay kinabuhi sa usa ka sapa.
Samtang wa pa masuta sa kapolisan kun si kinsa ang responsable sa pagpatay sa biktima.
Ang biktima gituhuan nga gipusil pipila ka metros sa gihagbaan niini human adunay nakita nga mga lama sa dugo ug ang mga residente nakadungog usab ug mga boto sa armas.
Ang kapulisan padayon pa nihimo ug imbestigasyon may kalabutan sa maong insidente. MEL (BANATNEWS)
- Latest