DILG nipahimangno sa PNP nga magpabiling professional ug neutral

CEBU, Philippines — Nipahimangno ang Department of the Interior and Local Government (DILG)- 7 ngadto sa kapolisan nga magpabilin nga professional ug neutral sa panahon nga adunay conflict o gubot nga wala sila y kalabotan.

Si Atty. Ian Kenneth Lucero, provincial director sa DILG nipadayag niini ngadto sa hepe sa Cebu City Police Office (CCPO) Police Colonel Ireneo Dalogdog ug regional operations division chief sa Police Regional Office-7 Police Lieutenant Colonel Eleveo Marquez.

Atol sa tigom tali kang Gobernador Gwendolyn Garcia naitong Abril 17, 2024 ang gobernador nitawag sa attention sa kapolisan sa dakbayan nga magpabiling pastas ug neutral.

Sayo pa, ang mga personnel sa Cebu City Hall uban sakapolisan giingong nipugos sa pagsulod sa premises sa Cebu Port Authority Base port duol sa Malaca ang sa Sugbo niadtong Abril 1, 2024.

Ug ang ikaduhang higayon mao ang nahitabo sa Metropolitan Cebu Water District (MCWD) diin ni-takeover ang Local Water Utility Administration (LWUA) sa MCWD building niadtong Abril 15, 2024.

Si Dalogdog nisaad kang Garcia nga siya ug ang iyang mga personnel mosunod lang sa kamandoan sa mga otorisado nga opisyal ug ang PNP magpabilin nga professional sa ialng pagpanerbisyo. Ang PNP ubos kini sa supervision sa DILG. (BANAT NEWS)