Hontiveros: Ang bandera nagpakita sa identity
CEBU, Philippines — Gipasabot ni Acting Cebu City Mayor Donaldo “Dondon” Hontiveros nga bisan pa sa kapin sa 100 ka tuig human kini unang giisa ang bandera sa Pilipinas nagpabiling nagpakita kini sa identity.
Kini ang mensahe ni Hontiveros kagahapon kinsa nangulo sa gipahigayong kalihokan kagahapon sa kagamhanan sa Dakbayan sa Sugbo sa pagsaulog sa National Flag Day.
“Pilipino ko. Amo ning yutang natawhan. A piece of cloth, stitched with symbols and carefully chosen colors becomes more than that when it is raised with pride. It becomes the hopes and dreams and struggles of the people”, matud ni Hontiveros.
Ang National Flag Day saulogon kini sa nasud matag Mayo 28 sa tuig diin nagpahinumdum kini sa unang pag-isa sa bandera sa Pilipinas human sa kadaogan sa Battle of Alapan niadtong 1898.
Si Hontiveros kinsa chairman sa Cultural and Historical Affairs Commission (CHAC) nagkanayon nga mandato sa CHAC ang pagsaysay sa mga estorya isip pahinumdom ug pasalig kon unsa ka gamhanan ang maong simbolo ilabina sa panahon sa kalinaw diin wala kaayo kini giila.
“Today, as we have just raised the flag that has been raised since 1898, we are lucky to be able to do so without the threat of death in a war and only because so many have shed their own blood to give us this piece that we enjoy today”, laing tipik sa mensahe ni Hontiveros.
Si Hontiveros kinsa kanhi baskebolista nipaambit sa iyang kadungganan sa pagtaas sa bandera sa Pilipinas atol sa mga nasudnong kompetisyon.
“I have played for the national team many times... Kami nga nagduwa playing for the national team for (our) flag and country, mosugot ra gyud mi nga wala mi extra nga sweldo, mag-unhanay gyud mi og duwa to represent the national team. Bisag malayo sa pamilya, bisag ma-injured, ganahan gyud mi moduwa and makigkombati gyud mi sa bisag kinsa na nga kontra”, ni Hontiveros pa. Giawhag ni Hontiveros ang ang iyang mga kaubanan nga magpadayon sa pagpasidungog ug pag-alagad sa ilang mga konstituwente bisan kon usahay dili nila makuha ang acknowledgement nga angay kanila. BDB (BANATNEWS)
- Latest
