Lalaking nakiglalis sa papa napalgang patay
CEBU, Philippines — Usa ka 28-anyos nga lalaki ang nakit-an nga wala nay kinabuhi sa may Sitio Pinanuyakan, Barangay Calidngan, Dakbayan sa Carcar, alas-6 sa buntag kagahapong adlawa, adlaw nga Domingo.
Ang wala nay kinabuhi mao si Hobert Panginahug, residente sa maong lugar.
Base sa imbestigasyon sa kapolisan ang biktima nagligdas kini sa lantay nga nahimutang gawas sa ilang balay, nga adunay samad pinusilan sa iyang tiyan.
Dunay nakitang kalibre 45 nga pistola, ug usa ka bala nga wala makabuto diha sa crime scene.
Ang biktima sa wala pa ang maong insidente giingong adunay mainiton nga lalis sa iyang amahan Sabado sa gabii.
Ang biktima gibasol sa iyang amahan nga maoy nakaingon nga namatay ang igsuon niining babaye tungod sa pagpangulata. Ang kapulisan sa Carcar, sumala pa ni Police Staff Sergeant Japhet Saavedra, Desk Officer sa Carcar Police Station nga padayon pa sila karon nihimo pagpalawom sa imbestigasyon may kalabutan sa pagpatay sa biktima.— IBM (BANATNEWS)
- Latest