^

Banat Balita

Mga establisamento mituman sa guidelines

Decemay P. Padilla, Gabriel Bonjoc - Banat

CEBU, Philippines — Nagpasalamat si Cebu City Councilor Joel Garganera, Deputy Chief Implementer for Inter-Agency Task Force Emergency Operations Center Cebu City sa mga establisamentong nagtuman sa guidelines nga gipagawas sa dakbayan labot sa mga vaccinated individuals.

Karon nga ang Cebu City gipaubos sa General Community Quarantine daghan na sab nga establisamento ang nangabli kay gitugotan na sila nga maka-operate 30 percent sa ilahang kapasidad.

Ang mga bakunado kontra COVID-19 gihatagan sab og prebilihiyo sa siyudad nga maka-avail og personal care services sa mga barber shops, beauty salons, nail ug spa ingon man sa mga massage parlors ug pwede sab sila maka dine-in sa mga kan-anan.

Gani si Garganera sa pag-adto niya sa usa sa mga kan-anan sa siyudad gipangitaan gyud siya og vaccination card ug nakita sab niini nga mituman gyud sa social distancing ang establisamento.

“I feel so safe being served by vaccinated unya ang makasulod ra sad ang mga vaccinated, I feel so safe pero naa pud sila’y Al fresco gawas, naa sad sila’y mga lamesa to those nga wala ma vaccinate pero sila sad ni encourage sab sila nga you’ll have yourself registered kay ang atong mga vaccination facility na-register lang ka pwede mabakunahan ayaw lang pangita og unsang klase sa bakuna,” sigon ni Garganera.

Gipasabot ni Garganera ang maong guidelines dili lang kay sila maoy nagbuot kondili gikan sab sa business sectors.

Si Garganera miingon nga ang active cases sa Cebu City nigamay na sab, naa nalang sa 1, 948 kini base sa datos EOC Cebu City.

Gipasabot sab sa konsehal ang rason nga wala magkatakdo ang ilahang data sa Department of Health Central sa buwan sa Agosto tungod kay dunay mga departamento sa DOH-7 nga in-charge sa harmonization sa datos sa mga LGUs naigo sab sa COVID-19.

“It’s going down pero timan-i ang atong mga hospitals puno gihapon, 66 percent puno gihapon and then dili na ingon basta-basta makasulod sa hospital diretso-diretso.

You have to have the triage, i-referral so we discourage man gud nga modiretso ipaagi gyud na kay di sad ta gusto nga mag-atang intawon sa gawas pero kaluoy sa Ginoo atong mga emergency room uban medyo bakante na,” ni Garganera pa.

Apan giangkon sa konsehal nga nabalaka kini sa pagpaubos sa Cebu City sa GCQ kay ang mga tawo mokompiyansa nasab sa basic health protocols.

Sa Unang Distrito dunay mga diskarte ang mga opisyales aron maagni ang mga tawo nga magpabakuna.

Sa Syudad sa Talisay, si Mayor Gerald Anthony “Samsam” Gullas nihangyo sa iyang mga amigo ug amigang artista motabang sa panawagan sa mga Talisaynon nga magpabakuna.

Samtang si Konsehal Rodi Cabigas duna sab sinimana nga pa raffle sa mga bakunado u gang premyo kinilong bugas.

Sa Dakbayan sa Naga,  si Mayor Kristine Vanessa Chiong miawhag sa mga negosyante nga mohatag og diskwento sa mga bakunadong kustomer.

Samtang sa Dakbayan sa Carcar, nagpa- raffle sila sa mga nabakunahan na.

Kining mga inisyatibaha gihimo sa nagkadaiyang LGUs human nga nagmingaw ang ilang mga vaccination sites tungod kay ang uban nahadlok sa mga side effects ug dugangan pa sa mga negatibo ug fake news. —IBM (BANATNEWS)

GENERAL COMMUNITY QUARANTINE

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with