_banat
^
Early warning device imontar sa kasapaan sa Talisay
Kini human si Mayor Gerald Anthony “Samsam” Gullas nakakita sa dakong tabang sa maong teknolohiya ngadto mga molopyo nga naa magpuyo duol sa kasapaan.
STAR/File

Early warning device imontar sa kasapaan sa Talisay

Romeo T. Limpangog (Banat) - June 16, 2021 - 12:00am

CEBU, Philippines — Nagplano ang kagamhanan sa Dakbayan sa Talisay sa pagmontar og early warning device sa mga sapa sa maong Dakbayan.

Kini human si Mayor Gerald Anthony “Samsam” Gullas nakakita sa dakong tabang sa maong teknolohiya ngadto mga molopyo nga naa magpuyo duol sa kasapaan.

Pinaagi sa early warning device mapahibawo gilayon ang katawhan sa higayon nga mosaka na ang tubig sa sapa.

Si Alvin Santillan, pangu sa City Disaster Risk Reduction and Management Office mipadayag nga daku og tabang ang maong kahimanan aron mas dali usab ang ilang pagpabakwit sa katawhan.

Gitug-an ni Santillana nga nahisgutang na ang maong plano sa milabay nga katuigan apan wa na kini matagad gumikan sa ubang prayoridad nga gastohan sa siyudad.

Sa nasayran mokabat sa usa ka libo ka pamilya ang naapektahan sa kalit nga pagsaka sa tubig sa sapa nga nakabanlas sa pipila ka panimay nonot sa sunod sunod nga pag-uwan sa milabayng mga adlaw.

Samtang sa laing bahin gisugdan na sa pag-ayo sa Department of Public Works and Highways (DPWH)  ang mga karsada nga naguba gumikan sa pagbaha sa Barangay Subangdaku  sa Dakbayan  sa Mandaue.                                  

Naglakip sa mga dalan nga giayo mao ang Lopez Jeana nga naguba sa pagbaha niadtong Hunyo 12, 2021.                                        

Si Engineer Jason Amoguis sa DPWH 7 miingon nga mokabat sa 14 metros ang naguba sa maong dalan.                                      

Matud pa niya nga molungtad kini og usa ngadto sa duha ka semana nga pag-ayo.                 

Lakip sa ilang trabahoon mao ang pag-ilis og culvert ug human niini himoon ang pag-aspalto sa maong mga karsada. Gabriel C. Bonjoc/MEL (BANATNEWS)

TALISAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with