Kompleto sa bakuna vs COVID-19 nataptan gihapon
CEBU, Philippines — Tulo ka mga tawong kumpleto na sa bakuna batok Covid-19 ug laing unom nga kausa pa nabakunahan ang nataptan gihapon sa maong sakit.
Si Cebu City Emergency Operations Center Deputy Chief Implementer Konsehal Joel Garganera dunay pipila sa mga bag-ong napositibo sa Covid-19 kompleto na sa bakuna.
Apan wala ra sila magrabehi ug mas daghan gihapon sa mga napositibo wala gyud mabakunahi. Bisan og nabakunahan na gipaubos gihapon sa isolation.
Ang bakuna batok Covid-19 dugang proteksyon ilabi na niadtong dunay gihambing sakit aron dili sila magrabehan.
Sa pagsugod sa pagbakuna batok sa Covid-19 namatikdan nga nikubos ang gidaghanon sa mga namatay. Sagad sa nangamatay kadtong dunay mga sakit ug mga senior citizens.
Gikan sa 30(nakalas) sa Abril, ang bulan sa Mayo natapos nga adunay 12 lang ang namatay. Ang positivity rate sa Mayo 31 usa usab sa labing ubos sa 1.22% ra ang nagpositibo gikan sa 492 nga gi- swab test. Sumala pa sa DOH-VII, ang Dakbayan sa Sugbo adunay pay 523 ka mga kaso. Niadtong Mayo 31, 2021 ang siyudad nakatala lang og dugang unom ka bag-ong kaso.
Ang Lapu-Lapu ug ang Mandaue, sa ilang bahin, adunay managsama nga aktibo nga kaso nga 179 samtang ang Lalawigan sa Cebu adunay 442.
Sa pikas bahin, ang mga kaso sa Negros Oriental mikunhod gamay ngadto sa 1,413 samtang ang Bohol adunay 1,063 ug Siquijor nga adunay nahabilin nga duha nga aktibo nga kaso. —Decemay Padilla/IBM (BANATNEWS)
- Latest
