Way pagtugot sa kapitolyo ang planong expressways magdugtong sa upat ka isla sa CV
CEBU, Philippines — Gihimakak sa lokal nga kagamhanan sa Probinsya sa Sugbo nga mihatag ang Kapitolyo og original proponent status (OPS) ngadto sa kompaniya alang sa usa ka dakong proyekto pagdugtong sa mga dagkong isla sa Visayas region.
Sa taho sa news arm sa Probinsya sa Sugbo nga Sugbo News, ang gobernador nagkanayon nga wala mohatag og OPS ang Economic Enterprise Council (EEC) sa Probinsya sa Sugbo sa proponent sa maong proyekto.
“I find this strange that they should come up with this kind of announcement, when certainly, for Cebu, the Economic Enterprise Council have not given them that OPS. In fact the EEC has never even received an unsolicited proposal from them. An OPS is serious business,” matud ni Gobernador Gwendolyn Garcia.
Sa usa ka social media report ang AG&P Industrial ug ang Visayas Neceboley Interlink Holdings Corp. (VNHIC) mipirma og memorandum of understanding (MOU) alang sa $15-billion nga mega infrastructure project nga magdugtong sa upat ka major islands sa Visayas ang Bohol, Cebu, Negros ug Leyte pinaagi sa isa ka state-of-the-art nga mga taytayan ug expressways.
Dugang pa sa maong report ang VNHIC nahatagan na og certificates of acceptance nga naghatag niini og original proponent status sa provincial government sa Negros Oriental, Cebu, Bohol ug Southern Luzon pag-develop sa Project Neceboley pinaagi sa collaborative joint venture initiative ubos sa Public-Private Partnership (PPP) framework.
Apan matod sa Probinsya sa Sugbo ang maong kompanoya wala man makigalayon sa EEC sa Kapitolyo sama gihimo sa ubang kompaniya nga interesado mohimo og proyekto sa probinsya.
Tungod niini gisubli ni Garcia ang gipasar nga ordinansa sa provincial board nga nag-require sa mga national agencies o goverment-owned and controlled corporation (GOCCs) nga mo-coordinate ug mokonsulta sa local government units sa mga polisiya ug programa ug proyekto nga ipatuman sa Probinsya sa Sugbo. — /IBM (BANAT NEWS)
- Latest
