Kasaulogan sa Kadaugan sa Mactan walay mga insidente

CEBU, Philippines — Malampuson ang Dakbayan sa Lapu-Lapu kinsa ni-host sa reenactment sa 500 years nga kasaulogan sa Kadaugan sa Mactan.

Ang reenactment sa makasaysayanon nga gubat gipahigayon diha sa Liberty Shrine sa Barangay Mactan.

Ang pangulo sa kapolisan sa siyudad Police Colonel Arnel Banzon nihulagway nga malampuson ug malinawon ang kalihokan.

Gibutyag ni Banzon nga 200 ka polis ang gipakatap sa maong lugar walay labot ang force multipliers kinsa nitabang sa kapolisan.

Matud ni Banzon nga taod-taod ang ilang pagpangandam sa maong kalihokan ug wala silay mga natalang insidente atol niini.

Si Banzon mapasalamaton sa katawhan nga nitabang aron mahimong malampuson ang kalihokan sa Kadaugan sa Mactan. —BDB (BANATNEWS)