LPG nagpasad

CEBU, Philippines — Dul-an sa usa ka oras ang pagkatanggong sa mga sakyanan nga paingon sa Dakbayan sa Talisay diha sa Brgy. San Roque Cebu South Coastal Road kagahapon sa buntag tungod sa nalimbuwad nga trak ug nangayabo ang karga niining mga tangke sa liquefied petroleum gas (LPG). Wala ra hinuon maunsa si Ignacio Igcarlinos, ang drayber sa trak nga nagkarga og 40 ka 39 kg LPG tanks sa dihang nibuto ang luyo nga ligid niini nga nakaingon pagkalimbuwad sa sakyanan.

Sila si SFO1 Yac Eliezer miingon nga ang bomberong miresponde daling mipasirit og tubig sa nagpasad nga mga tanke. Gituohan nga overload ang maong trak maong nibuto ang ligid niini.— IBM (BANATNEWS)