Pagpatay kang Wee, dili lang duha ang naghimo
Matud ni Lieutenant Colonel Wilbert Parilla, director sa operasyon sa Cebu City Police Office (CCPO) ang ilang tan-aw upat ka mga indibidwal ang nalambigit sa aktwal nga pagpusil, dili lang ang duha nga mao ang gunman ug ang driver-lookout.
STAR/ File

Pagpatay kang Wee, dili lang duha ang naghimo

Mae Fhel Gomos (Banat) - December 6, 2020 - 12:00am

Cebu, Philippines — Ang Special Investigation Task Group (SITG) nga nitutok sa pagpatay sa abogadong si Joey Luis Wee mibutyag nga dili lang duha ka tawo ang nalambigit sa pagpatay sa biktima niadtong Nobiyembre 23,2020.

Matud ni Lieutenant Colonel Wilbert Parilla, director sa operasyon sa Cebu City Police Office (CCPO) ang ilang tan-aw upat ka mga indibidwal ang nalambigit sa aktwal nga pagpusil, dili lang ang duha nga mao ang gunman ug ang driver-lookout.

Si Parilla miingon nga adunay laing mga look-outs  sulod sa usa ka kilometro nga radius sa lugar diin nahitabo ang pagpamusil. Dili usab mominos tulo ka sakyanan ang gigamit sa mga kriminal.

“Nakita nato nga dili ra katong duha maoy nagtira nga suspect but daghan sila during that time. Dunay mga look-outs. And duna pa’y laing mga sakyanan nga involved,” sigon ni Parilla.

Sa gihimong imbestigasyon nakonektar nila ang mga nakuha nga video footages sa closed-circuit television (CCTV) footage sud sa usa ka kilometro nga radius sa lugar diin nahitabo ang krimen.

“Gipangayoan nato og copy ang tanan within one-kilometer radius sa area gikan sa area sa nahitaboan. Atong gi-connect-connect ang possible nilang giagian. So, duna ta’y mga na-identify,” suma niya.

Nagpadala ang SITG og sulat nga naghangyo sa National Bureau of Investigation (NBI) 7 nga motambong sa ilang sunod nga panagtigom para ipaambit ang mga nahipos nila nga kasayuran sa matag usa.

Hangtod karon, ang pamilya ni Wee wala pa ni-coordinate sa mga imbestigador; apan si Parilla misabot kanila ilabi na sa kapikas ni Wee nga matud pa nakasaksi gyud sa pagpatay sa iyang bana ug gitionan pa kini og armas sa mamumuno.

Si Wee gipusil samtang padung kini mosud sa iyang opisina diha sa Barangay Kasambagan sa Siyudad sa Sugbo. aSi Wee nagkupot og mga high-profile nga mga kaso lakip na ang kaso batok sa 14 ka mga opisyal sa Department of Public Works and Highways (DPWH) 7 overpriced decorative lamp posts alang sa Association of Southeast Asian Nations (ASEAN) Summit niadtong 2017.

Si Wee sab ang abogado sa mga ahente ug civilian assets sa National Bureau of Investigation (NBI) 7 nga nalambigit sa strafing incident Disyembre 2002 sa  usa ka van nga nagdala sa mga kawani sa resort.

Abogado usab siya ni Rizal, Palawan Mayor Nicolas Montaño Sr. nga gikasuhan sa kasong pagpanglugos kaniadtong 2010. ( BANAT NEWS)

SITG
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with